انت مايكفيك من عندي قصيده=انت يبغالك مقالات وقصايد
بر ابوك العود في صلب العقيده = بالعصور الماضيه ضمن العوايد
والدتك اللي مساعيها حميده = في حياتك حقها بالحيل زايد
والعقوق من المواضيع الجديده = ضاهره بأخر زمن قامت تزياد
نظرة الاباء للابناء بعيده= ماتغطيه الاذاعه والجرايد
كل والد وده ان ابنه وليده = يعتزيبه بالمصايب والشدايد
اطلب الله لا تدور من عبيده = الزمن فيه المصالح والمكايد
والحياة اجهاد والدنيا عنيده= والمراجل ماتجي تحت الوسايد
وخل بالك مع حكومتنا الرشيده = ماعليك من العرب ناقص وزايد
والتفاخر بالعماره والحديده = نقص واضح والعمر لو طال بايد
الطمع بالدين لدار السعيده= في نهارا فيه تحقيق ونشايد
عند ربا" جنة الفردوس بيده= الجزاء حسب العمل والعدل سايد