خالد:سمعتي يمه سمعتي
ام سند تبكي:ياالله عساها مبروكه
خالد:تبكين يمه
ام سند:دموع الفرح يايمه
فرحانه
خالد:الحمدلله يايمه يستاهل الحمد والشكر
اقول يمه لازم نخبر سعود
ام سند:حق وواجب يمه خبره واساسااناماخبرتوه بيطلبوه عشان الاسم لازم يكون فيه
خالد: بدق عليه الحين واخبره
توصيني ع شي يمه
ام سند:سلامتك يمه انتبه ع اختك لاصحت قولها تصور بنتهاوترسل صورتها
خالد:اشوفك مع الصغنطوطه
صفطينا ع جنب
ام سند:فديتها هذي بنت الغاليه
خالد:وحناعيال البطه السودا
ام سند:ههههه خويلد بس عاد استح رجال وش طولك تغار من هالصغيره
خالد:هههه مو هالنتيفه خلتنا صفرع الشمال
ام سند:ههههههه خويلد بس عاد
خالد: امزح يمه ياعل هالبسمه ماتفارق وجهك قولي امين
ام سند:امين يمه
ياالله ياولدي شوف اختك وكلم سعود وطمني
خالد:حاضر يمه استودعك الله
ام سند:بحفظ الله يايمه
شاف خلود معها بنوتتها وفرحانه
خالد يتريق عليها
خالد:خالد يمه الحقو علي بموت والله بموت يمه آه وآه وآهات واخرها تطلع هالنتيفه
خلود مستحية
خلود:وجع ههههه هذا بدل ماتقول حمدالله ع السلامه مبروك ماجاك قاعد تعلق
وطق باب الغرفه ودخل سند مع باقة ورد
سند:السلام عليكم
الجميع:وعليكم السلام
سند:ماشاء الله ماشاء الله قمر بسم الله عليها خلاص هذي عروس ولدي
خلود:؟؟؟؟
خالد:هههه سند جاه ولد قبل ولادت بنتك بساعات
خلود:جد مبروك ياخوي
سند:الله يبارك فيك
خلاص حنا حجزنا بنتك محد يا
خذها غير ولدي
خلود:لاكبرو وعطانا ربي عمر بخيرها ولها الحق تختار
خالد:عاشت الام المثاليه
سند وخلود:هههههههه
ورن جوال خالد
خالد:هلاسعود
خلود انقبض قلبها وضمت بنتها وخالد وسند شافو خركتها وعورت قلوبهم عليها خايفين من الي بيصير خايفين لادرى بيحرمها ضناها
الي سووه صح سعود ابوها ولازم يدري ان جته بنت
بس خايفين من قسوته وعناده
خالد:كيف سعود
سعود:بخير خالد كيفك انت وكيف الاهل والوالده
خالد:تمام الحمدلله الجميع بخير
سعودبغيتك بسالفه
سعود:تفضل خالد
خالد:زاد فضلك حبيت اخبرك ان خلود جابت بنت
سعود:لاه ماشاء الله مبروك حمدالله ع سلامتها
خالد:؟؟؟؟؟؟؟؟
(بلاه ذا؟؟ موكأن البنت بنته)
سعود:الووو خالد؟؟
خالد:هاه ايه سعود معك معك
سعود:صاير شي؟؟
خالد:لالا الحمدلله الامورطيبه
سعود:زين تبي شي بطلع الحين خويي ينتظرني برا
خالد
استغفرالله)
ايه سعود ابيك تمرالمستشفى عشان تسميةالمولوده
سعود:اختارو لها اسم وخبروني
خالدبلاه هذا )
اخترنا لها اسم رنا
سعود:خلص بمرك بعد عشر دقايق بخلص كل اوراقها فيه شي ثاني؟
(كان يبي يرد بس خاف برده يزيد غضب سعود ويحرم خلود اخته من ضناها)
خالد:لايعطيك العافية
سعود:الله يعافيك مع السلامه
خالد:مع السلامه
قفل وناظر فسند وخلود
خالد:ذا متى يحس بالمسؤليه
خلود:ولاراح يحس
سعود اتعود ع السهر واهله من صغره اعطوه الحرية التامه بدون مايراعي شعورالغير وياويل الي يقوله لا
سند:لاحول ولاقوة الا بالله
الله يهديه
الجميع:امين
،،،،،،،،،،،،،،،،،،،،
فبيت ام سند
ام سند:خالد بس عاد ذبحت البنت ماتخليهاتنام زين طالع تبوسها داخل تبوسها
ولاترتاح الا لاصاحت
خلود:عجزت يمه منه ذبحني
خويلد عطني البنت بنام شوي مانمت زين من الحريم اخاف يجي احد الحين
خالد:ازين شي بالولاده الاكل الي يجي بعدها
ام سند:هههههههه بذي صدقت
الا اقول خالد سعود مادق؟
خلود(كل ماسمعت اسمه ينقبض قلبها مو حب خوف )
خالد:والله يايمه من اخرمكالمه ليومك ذا مادق ولاسأل ولاحتى ترك مصروف لبنته
خلود:مومحتاجه شي الضمان يكفيني
خالد طلبتك لاتطلبه شي خله بعيد عني اخاف ياخذها مني بموت يمه لوياخذها
ام سند:الشر بعيد عنك يايمه الحمدلله حنا بخير ونعمه مومحتاجين شفقة احد
بس احنا نتكلم بالدين والأصول
يجي يسأل وينفق ع بنته مايجوز كذا يايمه
خلود:يايمه هذا طبع سعود اتربا على الااامبالاااه وبعدين هو ماقدريتحمل مسؤلية اهله عشان يتحمل بنته
ام سند: لاحول ولاقوة الا بالله
ومضت ايام حياتي على احسن حال وبنتي اناتحملت مسؤليتهاالنتيفه ع قولةخالد صارت ام ثلاث اسنين الكل يحبها تشبهني كثير فديتها
ربي يخليهالي ويحفظها
فيوم كنا متجمعين كنا فارشين بالحديقه ومنبسطين بالسوالف وجت رنا تصيح
رنا :أآآآآ آآآ آآآ
خلود:رنو و وش فيك
رنا:محمد
خلود:وش فيه محمد وش سواء لك؟؟
رنا:آآآآآ آآآآآ
سند:انا اوريك فيه محمد يامحمد
(محمد جاء وتخبى ورى جدته)
سند:اطلع تعال هنا اشوف
خلود:سند مو كذا لاتخوف الولد
محمد ياعمه تعال خلاص محد بيهاوشك
هند:لاخلود خليه يتأدب جنني بخواته طلع قرونهن كل شوي ماخذ غرض منهن
محمد:ماما اناماخذت شي من رنا
هند:وليش رنا تبكي هاه؟
قبل ينطق محمد رنا سألت امها
رنا:ماما وين بابا
خلود من الصدمه رفعت راسها ع طول لبنتها ماتوقعت هالسؤال يجي أبد
كانت ناسيته
محمد:شفت عشان كذا تبكي هي غبيه تقول لعمي خالدبابا
خالد: رنا صح حبيبي انابابا
رنا:لامحمد يقول اناماعندي بابا كل البنات عندهم وانالا
خالد:انابابا يارنا ولاانتي ماتحبيني
رنا:الا انا احبك مره مره
وطالعت بأمها الي كانت منزله راسها ماتبي بنتها تشوف دموعها
رنا:ماما عادي خالي خالد يصير بابا
وسكت الجميع
سند وهند: حزنانين عليها
الجده :تبكي على حالة بنتها
خالد:اخذ رنا وعيال اخوه واخذهم للبقاله
هم طلعو من هنا وخلود انهارت فحضن امها وقعدت تبكي الكل عورتهم قلوبهم عليها وبكو حتى سند دمعة عيونه
سند:خلاص ياخلود موقف وعدى لاتصيري حساسه
خلود:ياسند ماتوقعت يجي يوم وتسأل هالسؤال
هند:خلاص خلود الذنب ذنب ابوها الي ماسأل عنها
خلود:وانا وش بيدي اسويه
وش تبوني اسوي؟؟
تبون ارمي بنتي له عشان يصرف عليها لايمه لاياخوي لايامرت اخوي
اناماارمي بنتي اناماارميها لوماالقى لقمة الزاد
هذي بنتي انا الي حملت فيها
هذي بنتي انا الي ولدتها
هذي رنا بنتي
أنا امها وانا المسؤله عنها
ماراح اسمح لحد يأذيها
وبدت تصيح وقفت اصياح يوم حست فأيد صغيره تنحط ع كتفها وتحركها
رنا:ماما ليش تبكي
خلود ضمتها وبدت تصيح
من جديد
رنا :جدو ماما ايش فيهاليش تبكي
هند:تبكي لأنكم رحتو مع خالد ومااخذتوها
رنا:بابا ياالله ناخذ ماما ونروح نشتري من جديد
محمد:شوف الغبيه هذا موبابا>>>حالف يبكيهاخخخ
سند:محمد وجع قول لها اسف بسرعه
محمد:يابابا غبيه ماتفهم هذا عموخالد انت ماتشوف
سند:ولد عيب كذا هذا باباخالد حق رنا خلاص
محمد:بالله كيف كيف يعني
نصير اغبيا مثلها
الجميع:
ههههههههههههههههههههههههههه
خالد:ولدك داهيه
هند:بسم الله على ولدي اذكر الله
خالد:لااله الا الله ماقلنا شي
بس ماتشوفي تحقيقه يدقق بأمور صغيره
سند:البركه بالمحقق كونان
الجميع:هههههه
(قدر سند يضحك خلود وينسيها الي صار)
مضت سنواب ورنا ام ثلاث سين صارت ام عشر تقدمو لي كثير بس رفضت ماافكر بنفسي افكر ببنتي الي ربيتها احسن تربيه واهلي ماقصرو
واخوي وتوئمي خالد ادى دور الأب ع اكمل وجه وهو تعلق فيها لدرجة الجنون واليوم حفلتها
نجحت بأمتياز وخالد تكفل بحفلتها واتجهزنا لطلعه
ودخلنا الحديقه واستانسنا كثير
امي كانت معنا
سعادتنا ماتنوصف الكل فرحان
وانا اطالع فبنتي الي بحضن خالد تضحك ومبسوطه (الله يوفقك ياخوي الله يوفقك دنيا واخره عوضت بنتي عن فقدها وحرمانها من ابوها)
انتبهت لصوت بكا رنا
رنا:ماما شوفي محمد كب العصير علي
محمد:هو انكب لحاله
رنا:كذاب انت كبيته
محمد:انتي الكذابه
رنا:انت
محمد:انتي
رنا:انت
ام سند:بس خلاص هوانكب لحاله
رنا:والحين جدو كيف العب وملابسي وصخه
خلود:رنا ياماما تعلي معي نروح نغسلها ونرجع٠
رنا:تروح ماما
خلود:ياقلب ماما اكيدتروح بس تعالي نغسلهابسرعه٠
اخذت رناورحنا لدورات المياه(تكرمون)
واحنا طالعين رنا كانت فرحانة وتنطط وتبي تقهر محمد فستانها رجع جديد
وصدمه بشخص
الشخص:وجع ماتشوفين
انتبهت لصوته وعرفته
سعــــــــــــــــــود
يمه بنتي لودرى ان رنا بنته ياخذها ياويلي وش اسوي
رنا بكت
وانابعيده اخاف اقرب ويعرفني سعود عنيد لا نوى على شي بيسويه ومحد يمنعه
سعود:اوهوه ياذا البلشه ذي من بيسكتها
وامها الخبله ليش واقفه بعيد؟؟
:رنا يابابا لاتبكي
سعود:التفت ابشوف الشخص الي يسكت البنت كأني سامع صوته من قبل
خالد:رنو ايش فيك ليش تبكي
رنا:بابا هذا الرجال صارخ علي
لف خالد بيشوف الي تأشر عليه رنا وانصدق
خلود من خوفها طاحت بالارض
سعود:خالد؟ ماشاء الله مسرع الايام تمر
خالد متزوج وعنده بنت
سعود:هلاخالد ماشاء الله ذي بنتك متى اعرست
خالد ساكت مارد ولاهوقادر يرد
سعود:استغرب
رناتصارخ:بابا ماما تعبانه باب شوف ماما بسرعه الحين بتموت
خالد:ايش خلود ايش فيها ولف وشافها طايحه
وراح لها
سعود:خلود امها وخالدابوها وش السالفه ؟؟
ولمح سعود ام سند وسند وهند وعيالها
وراح لعندهم مو حب فضول شي يدفعه لهم
سعود:سلامات ياسند ايش فيه
سند كان يبي عرف ليش طاحت خلود بس انصدم يوم سمع صوت سعود
سند:سعود أيش جايبه
ليكون خلود من خوفهاطاحت واغمى عليها؟؟
ام سند يوم شافت سعود بسرعه تكلمت على بالها ان سعود قال شي لخلود فبنته: ام سند انت وش تبي توك تدري ان عندك بنت
خالد:يمه خلاص بس
ام سند:لامو خلاص وش بعده جا يسأل عنها يايمه ياسعود خاف ربك عشر سنين عمرها توك تسأل عنها يايمه خاف ربك
سعود:بنتي؟؟
ام سند:ايه بنتك بنتك الي ماتعرفك ولاراح تعرفك من وعت وخالدابوها ولاراح تعترف فيك لاتعذبها وتعذبنا معك
سعود:انصدم الي صدمت فيهاهي رنا بنتي؟؟
خالد:سعود اقدر اجلس معك واخذ من وقتك دقايق
سعود:بستهزاء تفضل انا فاضي لاوراي لاشغله ولامشغله
خالدانقهرهذاله وجه يتكلم بعد بس خبا غضبه عشان مايخسر رنا:زاد فضلك تفضل معي
طلع خالد مع سعود
وسند والبقيه خذو خلود وطلعو لأقرب مستشفى
الكل متجمع عند غرفة خلود
رنا تصيح وجدتها تصيح وسنديهديهم
بعد ربع ساعه طلعت الممرضه
ام سند:طمنيني يادكتوره
الممرضه:طيبه ياخاله طيبه الحمدلله كان عندها انهيار عصبي والحين فاقت
ام سند:الله يطمن قلبك يابنتي اقدر اشوفها
الممرضه:اكيد تفضلي ياخاله بس بالراحه عليها
رد: صرخة رنا
المفضلات