وِدَّك تحِس بطعنة(ن) دون سكِّين=مِن دون دم(ن) تَجرَح القلب أكثَر
لاصرت ضيف(ن) تفهم الهمس بالعين=عند الذي حَيَّا بضيفَه و كَشَّر
وإلاّ دخلت لمجلس(ن) مِعك شخصين=حيَّا بلقاهم عنك صدّ و توخَّر
وِدَّك تحِس بجمرة(ن) بين ضلعين=لاصِنت خِلَّك ثم خانِك و أدْبَر
ماتِجتمع بالقلب نبضات قلبين=قلب(ن) عَفيف و قَلب مَليان بالشَّر
للطيب فارس و الصّداقه مِيادين=من هان طيبه عند الأنذال يِخسَر
إحفظ حياتِك و اوصل الرِّحم و الدِّين=وابعد عن اللي من حياتك تَنَكَّر
وِدَّك يحِس بلذة الَّدمع رمشين=دمعة مُصَلِّي لا دَعى ثم كَبَّر
مِتى تكون القَسوه الين مِنَ اللين=لامن نهيت الخِل عَن فِعلِ مُنكَر
أنا بحياتي مِثل مَانَنطق السِّين=النون مايُكتب في سِين(ن) و يُذكَر



من خربشاااااااتي


لكم ودي


خالد البلوي