على حائل رصدنا من على الشاشه هوى وغبار = وتبوك المنطقه في مصطلحنا جوها صافي
تضاريس الطبيعه روحت بي للورى مشوار= وانارجال لعلوم الطبيعه حيل ميلافي
تذكرت الشباب اللي مضى لي والبيوت اسرار= وانا من يومها شاعر على الفطره ومتعافي
زمان الضلع فيه الصيد والصياد والنوار =بعد جرة سحابه ضافيه والخير متقافي
تحت نور الكواكب حزة النومه بدون انوار =فراشي زل من نبت الطبيعه والسماء الحافي
بكيت من الزمان اللي تغير والزمن دوار= ودورات الزمان العايديه تبحث الخافي
ونا بلعب على ذاك الوتر ياحضرة الشعار = لعل الداء يصادفة الدواء المطلوب والشافي
غريق البحر الأحمر بالسفينه عجز البحار= وشط البحر الأحمر ما به الا جيب واسعافي
يحبون البحر كل الخلايق والبحر غدار= يبوق ولا يحاسب والبشر توعد ولاتافي
ونا صبري نفذ ياحضرة الشعار والزوار = وشيمه مابقى الا تنتحر والعلم مع وافي
متى مدري متى بنت الكحيله تدخل المضمار=تجيب الكاس الأبيض من تحت ستر الله الضافي
بعض مخلوق مايعرف نظام السير بالدوار=وياقف بالأشاره والأشاره نورها طافي
ولا اعلم يا جماعه وش حكاية زيجة المسيار = بها منقود ولا ما بها منقود ينشافي