يانــهـر دجــله وش حصـل ..؟ علَم النيل

السلام عليكم ورحمة الله وبركاته

نص جديد أتمنى أن يرتقي لذائقتكم
/

البارحه كان أجتماع المهابيل = وأنا الوحيد اللي بهالوقت صاحي
في ليلة(ن) مامر بي مثلها ليل = على عرب سات إبــــ / جميع النواحي
أكشف غموضي وأرتشف غامض الويل = وأرمي على صدر الزمان أقتراحي
ومابين شيل وحط ( لا ) حط ثم شيل = تاهت بي الخطوه وزادت جراحي
أعدل الأفكار وتعّود تميل = وكآن من حولي يدوّد طياحي
ومن نظرت الواقع بدت قلّت الحيل = ولسان حالي قال : تم إجتياحي
أثر صحاياني مثل كذبة أبريل = وأهبالهم خطه لسرقة سلاحي
وأنا مسريها ياشقرا مع الخيل = وصبحي مساي وغارتي في مراحي
وكنت أحسب الأيام دايم تساهيل = وابعد طموحي للمكان السياحي
واليوم أشوف الموت وصل الرجاجيل = تدمير(ن) مدبر إبفرض الصياحي
وتطيح روس بحجة نريد تعديل = والتفرقه ضعف وخضوع إستباحي
يانهر دجله وش حصل ..؟ علَم النيل= عن طهرك اللي صار مسبح إيباحي
وعن قصة أبو غريب / عن عز / عن جيل = سولف ونفس الوضع غزو(ن) إصلاحي
والفُرس قوه لو تهدد إسرائيل = تقياء / وهم أخوه بفكر أنفتاحي

* عايد السميري
الجمعه
6 / 4 / 1432 هــ

من الظلم أن نقتبس بيتاً فنظلم الآخر


أستاذنا القدير

و شاعرنا العذب

عايد السميري


صح لسانك

و

فكرك

و

إحساسك



ما أجمل الشعر عندما يحضر عايد السميري


تلميذك أتى هنا ليصفق إعجاباً بأستاذه


أخي الغالي

أنا أول من وقعت عيناه على هذه الراااااااااااائعه

و لكن روعة الحرف و الفكر أجبرتني على الصمت

لأعود هنا و أعبر عن إعجابي ولا أستطيع التعبير عن كل مابداخلي


لله درّك


ودي و تقديري