حفل الشاعر فهيد صالح الحمري

السلام عليكم ورحمة الله وبركاته

هذه الأبيات ألقيتها في حفل الشاعر فهيد صالح الحمري البلوي يوم الخميس ليله الجمعه الموافق 24 / 5 / 1432 هــ في قاعة ليلتي وقد كنت من ضمن شعراء بني عطيه المشاركين بالحفل

بسمك بدينا يالبادي بسمك يا رب العبادي = ما غيرك للمسلم هادي سبحانك رب البريه
يا بلي جتني دعوتكم وحقا علينا نشاركم = الجمعه دايم عادتكم حقايق ما هي خفيه
عزمني فهيد ابو مشاري والحمري ماله معذاري = نعمين وحيه من طاري بلوات ونعم السميه
بلوات طيب وكرامه واهل فعول وصرامه = اعداهم مالها سلامه عادتهم قود السريه
وابن رفاده معروفي على عدوه ما يروفي = والمجلس مليان ضيوفي وقراهم من طيب النيه
نعمك بالشيخ سليماني كريم ونسل شجعاني = ما عمره يرد العاني ولا عمره خلى خويه
ومن بعد اذنك يا معزبنا ارحب برجال جتنا = ملفاهم دايم يسعدنا هلا بتبوك العذيه
ياهلا بكل القبايل ياهلا بأهل المثايل = ملفاكم اكبر دلايل على وفاكم بالجيه
عنزه هل النخواتي مع شمر والشراراتي = وتذكر لسبيع الفزعاتي وجهينه ماهي منسيه
ولا نسى ذكر المطراني مع غامد وايضا قحطاني = وحرب بكل الاركاني لهم فعايل وفيه
واهل العليا منساهم للضيف يرحب نباهم = بالعزه دايم نلقاهم واحدهم عده عن ميه
والنعم بالحويطاتي وما انسى الدواسر بالذاتي = واهالي طيب العاداتي تميم لفعله ماريه
واليوم بنعمه واماني في ظل القايد الباني = عبدالله عز الاوطاني يمناه بطيبه نديه
وولي العهد بفعوله تشهد له دوله مع دوله = عاداته كسب البطوله ذراه يدفي مع فيه
ولا انسى نايف النايف عدى ع روس الشرايف = ألغى مفهوم الطوايف وبالعدل اخوانا سويه
وفهد اميرا محبوبي يستاهل والله مكتوبي = حرا عالعليا يجوبي وتبوك بفعله ورديه
وانا من عزوة عريقه لهم مواقف وثيقه = قولا اقوله حقيقه هضولا بني عطيه
يوم الشدايد تجتازي بالموقف ربعا اعزازي = اعداهم دايم اجنازي ما يهابو حوض المنيه
وابذكر شيخ القبيله راع العطايا الجزيله = منصور الوافي في كيله اليا اهدى زين الهديه
والباشا حرب هو جده صقرا للعليا مهده = واللي بالرجل نعده فعولا ما هي مخفيه
ولا انسى راعي الجودي اللي له فعل مشهودي = على عدوانه يزودي كريم ابن عطيه
جزاع كريم يا طيبه لا راح لشيء يجيبه = وقفاته ماهي غريبه دايم عزومه قويه
وابو دميك الحكيمي ياحي الاسم سليمي = شال الجمارك قديمي ولده محمد يا حيه
الخضري صاغ القوافي موزونه وزن الصرافي = يا هل الحفل عوافي صلوا ع محمد نبيه

وســلامـتـكــم ،،،

اخوكم : مجاهد محمد ظاهر العطوي




ولكم جزيل الشكر