الشيخ مناحي بن علي منقره تميزت قصائده بالحكم والنصح واليكم هذه القصيده التى انتقيناها من بحر قصائده الرائعه:

اشوف لي ناس مع الوقت لاهين=ذاهنته الدنيا وهو ماذهـــــــــنها
ناس ترحلهم وناس مقيمــــــــين=ولا يلحق الطلاب لاقفى ضعنها
ياما ذهب من حي فيهم سلاطين=ولا فيه حيا سالما من افتـــــــنها
واشوف لي ناس تجمع ملايــين=وان مات ما ياخذ معه شي منها
غير الكفن والناس بالموت دارين=واعماله اللي مالقى عذر عنها
دنياك ياجاهل على العسر واللين=نوب تجود ونوب تكفا صحنها
وناس لهم حظن برزق المساكين=.ترجح موازينه اذا انه وزنها
وناس على الدنيا شحاح وحريصين=اموات تمشي بس ماحد دفنها
يالله ياقابل صلاة المصلين=تغفر ذنوب اللي نشب في شطنها