نفسية المعلم قبل الطالب

كل عام وانت بخير أخوي محمود

شوف وانا اخوك إادارة المدرسة بنفسها ودها تريح المعلم في جدوله
لأنه راح ينعكس على نفسية المعلم طوال الفصل الدراسي

بس مشكلتك اذا المدير ما عنده عدد كافي من المعلمين ؟؟ ما عنده الا يضغطهم لأجل يغطي الجدول العام للمدرسة
فالذنب بالدرجة الأولى يقع على عاتق أدارة التربية والتعليم ,, ليه ما يوفرون معلمين ؟؟ ليه ما يرفعون أحتياج للوزارة ؟؟
بيدفعون رواتبهم من جيوبهم ؟؟ اطلبوا معلمين العالم متسدحه ببيوتهم يدورون الوظائف
ولا القاعدة اللي يمشون عليها " أكرف المعلم بـ 24 حصة ولا تخليه يرفع راسه عشان ما يشغلك " !!
ومن ناحيه ثانيه جدول الطالب مرتبط بجدول المعلم زي ما نعرف
والمدير دائم يعرف المعلمين اللي بيجونه من حركة النقل
بس المصيبه وشلون يعرف تخصصاتهم ؟؟ لأجل يضبط أمور الجدول
وحتى لو عرف تخصصاتهم راح يسوي جدول ويتعب وهو يرتبه وفالاخير يكتشف حركات نقل خفيه وخفيفه بالعربي " دنفسه " نقل وتعديل توجيهات المعلمين من الادارة الموقره
ويخرب شغل الجدول كله
خلها ع ربك وانا اخوك

الله يعين ويكون بعون من كتب الله عليه وصار مدير مدرسه

درر والله يافواز

لم تكتب الا الحق والواقع الذي نعيش فيه الله عليك يافواز

وفي النهايه الضحيه المعلم وليس الطالب

وفقك الله اخوي فواز

وكل عام وانت 24 حصه هههههع