سلام ياعبدالله يخصك ويعنيك = تسليمت أهل الطيب لهل القناعه
الله يطول في حياتك ويغنيك = ولا مت يشفعلك عظيم الشفاعة
يامشيداً بيتك لربعك وعانيك = ولا صك بابك عن الشوخ وجماعه
تمدح وتشكر يا أبو حامد مساعيك = النور الأبيض مايغطي شعاعه
تكفك يا عبدالله لي هوقتن فيك = حيثك مضراً بالكرم والبراعه
أبوك قدامك وجدك وأهاليك = عادتهم بالطيب في كل ساعه
حراً ولد حراً عربيه مجانيك = صقراً نفض ريشه وفكو قناعه
لا قيل عبدالله ولد النظر فيك = قيل نعم مافيك شك ولكاعه
الله ماصكك الليالي ينجيك = يامن شهر بالمرجله وبندفاعه
قلي تعال وسم واسمعك وجيك = وعلمك في العلم متره وباعه
حيثك بتقدر حاجتي قل بعطيك = وعلن بها في المجتمع والأذاعه
ديني كثير وجيت ياشيخ ناصيك = يامزبن المحتاج وسبع السباعه
لولا الامل والله ياعبدالله ماجيك = لقد بجنب الفقر مثل الوداعه
فقراً يعاندني ويرمي تمتيك = أخذ فوادي يابو حامد وباعه
يقول والله لصخرك ثم لاليك = وجبرك لين تقول سمعاً وطاعه
ثم قلت له ويش فيك ثم قال وشفيك = وحضرت به عندك خبيث البضاعه
واليوم انا راضي بحكمك وراضيك = بيني وبين الفقر فك النزاعه
ولا يطرده غير الله ثم عبدالله بشيك = من كف ابو حامد زعيم الشجاعه
والأمر عند الله وعندك وبديك = عبدالله لاتمسك أحبال القطاعه
وختامها مسك ورداً يغطيك = صلو على من خصنا بشفاعه