ماعاد به زنقه ولاعاد به دار

ماعادبه زنقه ولاعاد به دار=مات البطل ماباقي الاصدها
نهايه القصه على يد ثوار=والمعركه في سرت تطحن رحها
قصه عشقنا شوفها ضمن الاخبار=لاشافها الاطفال تضحك شفاها
تعودوا ترديدها اكبار واصغار=ووصلت بنا القصه الى منتهاها
مات البطل بيدين طلابت الثار=في ساعتن يبغونها مابغاها
مايدري ان الوقت بالخلق دوار=انعيش فرحه والمصائب وراها
وين الوفود اللي تغنى بالاشعار=بخيمةٍ في كل دوله بناها
بعدالمصانع وبعدمنتوج الابار=ورئس دوله عالياً مستواها
وبنات سردٍ خلفه ايمين وايسار=وسمراء على خطوته تمشي اخطاها
سمراء لخزت عينها كنها النار=بلشان مادري كيف جته ولقاها
حتى الذهب خلاه لبداله زرار=واقرونه اللي كل يوم ايغذاها
وقلب صحاري ليبيا كلها انهار=وبراسه انه كل قمه رقاها
تالي حياته جار للقط والفار=والبيت ماسوره قصيره اعراها
وقعد على هالحال شهرين صبار=كل يوم والنيران يقرب سناها
وطاح بيدين اللي لها اشهور سبار=اللي على شوفته تخرط الحاها
لواعتذرمافادته كل الاعذار=كل(ن) يبى بقتل الزعيم ايتباها
ياما انصحوه الناس مره وتكرار=لكنها منيته واحتراها
في حكم من بيديه تصريف الاقدار=منهو طغت به نفس عجل قضاها