آجًـْمًل مًآ لآمًسٌِِّ آحٍّسٌّـِآسٌّـِيَ ..

يـآعـم ..

القلب يشكي من هوى كآمل الزين
غر وعقب فرقآهـ حآلي خطيرهـ

أسهر وكل الناس هجعآ وغـآفـيـن
ويسري بي الهوجآس في كل ديرهـ

يآعم أنا الشاكي من البعد والبين
والقلب يخفي ونته من ضميرهـ

يـون ونـة من رمـوهـ المعآدين
والآ ونين اللي عظآمه كسيرهـ

شآعوهـ بدو في ضحآ اليوم مقفين
أخآيلهم ودمـوع عيني غزيرهـ


مـن عقبهم ليلي غدى اليوم ليلين
والعين من فرقآ الولايف سهيرهـ

يآعـم أنا قلبي غدى بين همين
هم فرقاها وهم فرقا عشيرهـ

يآوجد حآلي من فرقآ المحبين
وجد اليتيم اللى حياته عسيرهـ

من عقب أبوهـ أمه توفت بشهرين
ولآلـه بني عـمـن ولالـه عشيرهـ

شآف الفقر والهم والغم والدين
يالله دخيلك صآر همه خشيرهـ

كنه يطعن في فوآده سكآكين
ودنيآه شآنت والليآلي مريرهـ

هـذا وجـودي عقب مدعوجة العين
اللى كمآ وصف الهنوف الصغيرهـ

راعي العيون السود قرن الحآجبين
وخشمن كمآ سلة سيوف شطيرهـ

ومجدل مثل الذهب فوق متنين
أو ذيل شقرآ في نهآر المغيرهـ

خذت من خشوف المهآ بس وصفين
جيدهـ وعينه لأجـفـلت مـسـتـذيرهـ

وشفآيف كآلورد وسط البسآتين
يـآمـآ حلى يآنآس شمة عبيرهـ

وخدهـ بيآض بحمرتن بين لـونين
وفي وسط خدهـ شآمتن مستديرهـ

هآفي حشآ مآغير كتف وردفين
لآ قـآم يمشي تـل قلبي مسيرهـ

شآخت على كل البنآت المزايين
مـآلـه شبيه في ربوع الجزيرهـ
جتني تودعني وأنا خآطري شـيـن
وأقفت توآدعني ودموعي غزيرهـ ..