( الــرسـاله ) .. متواضعه جديده

( الرساله )

* متواضعه جديده

اهداء لمشرفين واعضاء وزوار منتدى قبيلة بلي
( ولشعـراء هذا الصرح خاصه )
اتمنى ان تنال رضى الجميع

/

/

ياهجوسـي والقوافـي ماتـسـاق الا لهلـهـا =فالبدايـه.. ( والسـلام ورحمـة الله وبْركـاتـه)
السلام ورحمة الله .. / والحروف القشـر ولْهـا=والكلام الزين من يخرج مـن انصابـه زكاتـه..؟
لجل اوصـل لـه رسالـه لـن فهمهـا ماقتلهـا=وان قتلهـا..؟ ماتكـفـر حسنـاتـه / سيـآتـه
؟؟ ربما ..؟ / عن طهرها يغشاه زفره مـن زللها=مثل من اغـواه شيطانـه وشكـك فـي صلاتـه
كـل شـئٍ محتمـل والطيبـه مـحـدٍٍٍ كفلـهـا=في زمـانٍ لـف هقـوات النشامـى فـي عباتـه
وقت خلى اللاش له قيمه.. ! / وساس الطيب اكلها=عينه أتشوف الأمـور ويكسـر الخاطـر سكاتـه
تعـب وابسـط أمنياتـه عاجـزٍ حتـى يصلـهـا=لـو يسـوق اخطـاه حظـه ينثنـي دون أمنياتـه
والـديـار امـحـوْل والمـزنـه يخوفـنـا بللها=برقهـا خاطـف ومرعـدهـا يشتتـنـا ثبـاتـه
ساقهاالمولى غضب من غرب والمشـرق أملهـا=بليـل مايقفـاه صبـح / وصبـح قفّـن عادياتـه
والسوالـف جزلهـا بايـر ومشريـن هزلـهـا=والثمـن مـن مزرعـة فـلاح يابسـةٍ لهـاتـه
يوفـي الوزنـه وتوخـذ منـه مايعطـى بدلهـا=لين ضاق بـه المكـان وضاقـت بعينـه حياتـه
حوله / أجداث / وحطام / ودار / اعلاها آسا / فلهـا =وشيـخ قـومٍ دمعتـه ترثـي بقـايـا ذكريـاتـه
والحلـوم المزعجـه ماكـل عـقـلٍ يحتملـهـا=وإبن آدم بين ( خير / وشـر ) والفيصـل مماتـه
وكل شـئٍ محتمـل والطيبـه منهـو كفلهـا..؟ =لجل أعرفـه ( والسـلام ورحمـة الله وبْركاتـه )

وســـــــــــلامتكم



* عــــايـــــد الــســمـــيـــري

8 / 12 / 1426