غزيّل

السلام عليكم ورحمة الله وبركاته


اسعد الله أوقاتكم جميعا بكل خير


اعتذر عن غيابي



فهذا المكان هو المبدأ والمنتهى بالنسبة لي



.


.

مداد من ضيق يتلمس رحابه=وآهات في جو الشقاوي تخيّل
ابيات شاعر تبتني من عذابه=في ظلها ما فكر انه يقيّل
منصاب قلب ومستلذ بصوابه=يأطا على جرحه كذا .. ويتويّل
يضيق لكن ما يشقق ثيابه=لو كان كبر طويق فوقه مشيّل
ينسف على جال الجنون الكآبة=لا فاحت الذكرى ويا ليل ليّل
جوع المشاعر مثل جوع الذيابه=لا مسّها في كل حيله تحيّل
من فقدها للي بحضرة جنابه=ترجع مقاديم الوصوف وتذيّل
يوم اغلق الواقع عن الحلم بابه=فكت شبابيك الوهم والتخيّل
لكن عجز حتى الخيال بغيابه=يجمع من الشي الكثير القليّل
ملامحه خارج نطاق التشابه=ليت العيون كفوف واخذ وأكيل
يوم امتزج ذنب النظر مع ثوابه=أي والله إن العين شافت غزيّل
مثل السحابه بس ما هي سحابه=همالها يضمي كثر ما يسّيل
مفاتن ومنطق وزول ومهابه=الأعوج اللي يمها ما يميّل
والحسن لو ينهب نهبته نهابه=خصوصاً اللي في دلعها مهيّل
من طيشها ما تعترف بالكتابه=لكنها ما هي على الحب عيّل

.


.

.


تحياتي

[/quote]