ان مافزع خادم البيتين واخوانه ..قصيدة الشاعر والاستاذ /صباح المبادري

السلام عليكم ورحمة الله وبركاته
اخواني لقد اتحفني الشاعر الاستاذ /صباح المبادري برائعته
الجديده والتي حبيت ان انقلها لكم هنا لانني اعلم انها سوف تحوز على رضاكم

سرعه بسرعه ترى الاخلاق خربانه =والارض كثرت كوارثها وبلاويها
من هولها العيد طير(ن)ناح باشجانه =والعين جياشة (ن) بدموع نخفيها
خيمت يالحزن مالك يالفرح خانه =والنفس ماحد(ن)بداري عن خوافيها
واللي تغنى بحبه وسط شريانه =وبدمه يعمر اوطانه ويبنيها
اشوفه يقوم في تخريب عمرانه =يشري سفاه الامور بدم غاليها
يصول ويجول فاستبداد سلطانه =الله واكبر حواميها حراميها
عليه لعنه من المعبود سبحانه =مدمر(ن)للمساجد في مصليها
ان مافزع خادم البيتين واخوانه =العزوه اللي بلاد العرب تحميها
تفزع له الترك واهل الغرب واعوانه =قوم المصالح تغير في مباديها
تغوص فالبحر لؤلؤه ومرجانه =من غير زود الغلا الاحرار تغليها
الصمت عن قسوة الطاغي وطغيانه =امر وادهى قساوه من مسويها
الى متى وامت اهل المجد مندانه =الى متى نواسي الحاضر بماضيها
الى متى والامل بالصيف وامزانه =الين حتى هوان الحال يرثيها
اشد وقفاتها استنكار وادانه =والصبر افضل محاسنها ومساويها
جرح الكرامه تموت الناس من شانه =والارض لابد ماتفنى بما فيها
من اعتدى فاعتدوا بمثل عدوانه =الين تبرى الجروح اللي نواسيها

الشاعر /صباح سويلم المبادري