بسم الله الرحمن الرحيم
مشاركه من الشاعرين صويلح صالح العبيلي والشاعر سليمان حمدان الميهوبي
يقول الشاعر صويلح صالح العبيلي بقصيده موجهه للشاعر سليمان حمدان الميهوبي
يقول فيهــــا:-
 هوجاس قلبي موجتا بعد موجــه & ياما المخازن بالضــماير غدت فل
يبحث في اللي مغلقاتا دروجـــــه & قصده يسوي كل حاجه لها حـــل
ضاع الأمل دونا وساعا فجوجــه & وراح الخيال اللي بالي تــــــخيل
ورسلة خطي واضحاتا بروجــــه & لشاعر اللي يفرق الدق والــــــجل
يابن جبيل الريح هبت خجوجــــه & وشالة سحاب الغيث من قبل ينزل
والجم عن روس الضوامي بلوجة & والشمس تحكي بالحقايق مع الضل
والكلمة اللي بالضمير مهروجـــه &ولافيـــــه مــــالا لذيــــابه مهـــمل
والنفس ماهي للذليل معروجــــــه &من شان يقصر صبتــه للمـــــهيل
وين العدود اللي كبار وبهوجـــــه &اللي لزحمات الضوامــي تحــــمل
والضلع الأوسط لابدت فيه عوجه & أخشى على كسره وهو ماتــــعدل
وراع الحصان اللي يحث ويسوجه & قالو على حد المواني عـــــلى زل
ودنيا على ماقال تقفي وتوجـــــــه & وتلقى من الحكمه بروس المهــبل
إن أقبلت مثل الهنوف الغنوجـــــه & وأن أدبرت في نصف ساعه تحول


ويرد عليه الشاعر سليمان حمدان الميهوبي ويقول



هنيت منهو طول الايـــام مـــبهوج & مبسوط بالدنيا ولو يلحــــــقه ذل
مامجّــها مـــره ولا مــــرته نـــوج& اما ردي احساس والا ولـــــد دل
وحنا نسارقها وهي بالـحشا لـــوج &نبي لعل وليت والا عسى وعـــل
وإلى ان ابو فواز من غبة المــــوج & قال الخطآ قلت الطلب قال لي قل
قلت الله الله يازْرنقـاً تقـــل رهـــوج &جماً غزيز وتارده بل عن بـــــل
يسقي صديراً مالها بالرواء حــــوج &والمضميه مابلت حلوقها بـــــــل
راجت وداجت لين ملت من الــدوج &وشلت لميراداً بعيد ويبي شـــــل
يــــالله بـــنواًفيــــه رازم ولاعـــوج &يزعج فحول الاوديه دق مع جل
يسقى فجوج الارض مايترك فجـوج& ادمس نهاره وانعمس كن به غل
صــــنّت تقـــل خلــفه وبالديد لاهوج& درت وحست في نفيع اللبن حل
تسقي مـن الساحل الى نقرة الـــهوج &ديمومةً مترخيه كانها ظــــــــل
مدات جـــوّاداً بلا مـــــن وهــــروج & يفقر غناوي جاحد ويغني مقــل
والا البشر في منزلة جوج ماجـــوج & الرزق واجد والعرب خيرها قل
يامعدل ارقاب الركايب وهن عـــوج &البل تموت ارقابها مالها حــــل
والحكمه الى جتك من راس مرجوج &خذها وقل لله در المهـــــــــــبل