اخوانيات (الشاعر حسن عبيد-هايل زيدان )1

حسن

ياليت هايل ما تقاعد على شان =يرسل علي كل قصه جديده
له عام لا نسمع علومه ولا بان=لا يتصل ولا يسوي قصيده
إن كانه محزن على موت سلطان=الله يعيضه في هذيك الفقيده

هايل

قبل اتقاعد كنت بالناس بلشان=كنت اسمع الاخبار واقرا الجريدة
كنت العقيد الركن من ضمن الاركان=سيد يحيي كل ما مر سيده
واليوم ما لي حق يا حقوق الانسان =ثقلت اخطانا والمسافة بعيدة

حسن

انت رصيدك طيب في كل ميدان =يومن كلن ينعرف في رصيده
لكن علمني عن علوم ا لأخوان=الي يسووا للقرايب مكيدة
ما يضيع حق وراعي الحق سلطان=ما نلوَمه لو ياخذ الحق بيده

هايل

يا صاحبي لك عرف وافكار ولسان= والمجتمع تقدر بشعرك تفيده
ترى الحميدي فون ابن دغيمان = يوم اقنع القاضي بجملة مفيدة
من هو يوزنها على كف ميزان =قبل الحضور يرددون النشيدة

حسن

بعض العرب لنه بغى الرسم فنان =من رسمته تعرف وش الي يريده
والشك فالاقدار من ضعف الايمان =وتاريخنا للي جهل به نعيده
لكن البلا ما قاله الشيخ راكان =لاعوَد الصياد فدَرب صيده

كان هناك احد الرجال الذين رحلو الى جوار ربهم رحمهم الله دارت بينه وبين أحد جماله معركة حيث كان الجمل هائج وحدث بينهم ماحدث وبعد أنتهاء المعركة كان هناك إصابات بين الطرفين بين الجمل وصاحبه الذي دافع عن نفسه بسكينه ولاكنه كان لا يرغب قتل جمله الذي نسي الجميل وقال صاحب الجمل قصيدة لاتحضرني في هذا المكان وسمعها أحد كبار السن الذي لايعرف القصيد امثالي وقالو له اكمل القصيدة قال هو الأخر رحمه اللها شهد أن لاله الا الله واشهد أن محمد رسول الله)0 وتقبلو مروري وتقديري للأخوانيات. وينك يابو سلمان؟؟؟؟