يا خل قوم وجيب بيـض القراطيـس
...................... وجيب القلـم وجيـب للكيـف دلـه
أبكتـب ابيـات ن بقلبـي محابيـس
............................. من شاعر ن بـدع الشعـر ولعتلـه
قامت تلاعب بي بحـور الهواجيـس
............................... ابتـرك الهزلـه وبخـتـار جـلـه
أبنصحك عـن خايبيـن المجاليـس
..............................عاشر حكيم الـراي والنـذل خلـه
رجل ن ليا جيته هروجـه مفاليـس
...............................ورجل ن ليـا جيتـه ابـد ماتملـه
ورجل ن أذا شفته تعوذ من ابليـس
..............................ورجل ن تشوف بوجهه الخير كلـه
ورجل ن يعكر دنيتـه بالوساويـس
.................................... ورجل ن بـه الايـام عيـت تحلـه
ورجل ن يلهدم دنيتـه بالوساويـس
................................ورجل ن يعقد الراي و رجل ن يحله
ورجل ن حياته كلبوهـا عواكيـس
................................ ورجل ن حياتـه مثـل ماقيـل فلـه
ورجل ن يحب ويعشق الضمر العيس
..................................ورجل ن غرامه بين نجـرن ودلـه
ورجل ن كلامه مثل ضرب الدبابيس
........................................ ورجل ن كلامه مايجـي فيـه زلـه
ورجل ن لجل ربعه يجيب النواميس
....................................ورجل ن يجيـب الكارثـه والمذلـه
ورجل ن يصر المال في داخل الكيس
......................................ورجل ن على المحتاج مالـه يهلـه
هذي وصايف قلتهـا لـك بتقييـس
......................................وانـت فهيـم وكـل دربـن تدلـه
واعوذ بالله من غثى الوقت وابليـس
.................................. والحمـد للـي عزنـا بخيـر ملـه
قصيدة للشاعر : عيسى سليم السحيمي الحربي

ــــــــــــــــــــــــــــــــــــــــــــــــــ ــــــــــــــــــــــــــــــ
مــاجـــيـــت أدور مــــــــال ولا مــكــاســيــب
ولا مــــهــــونــــة نــــــفــــــس ولا مــــــذلـــــــه
امـــــا نـسـنـدهــا عــلـــى جـــمـــة الــطــيــب
ولا نـــحـــدرهـــا عــــلـــــى خــــيـــــر مـــــلـــــه
الـنـفــس عــــدت فــــي طــــوال الـمـراقـيــب
بــالـــعـــز كـــنـــهـــا دولــــتـــــن مـســتــقــلــه
اســـوارهـــا كــــــل الــضــلــوع الـمــحــاديــب
وابــوابــهـــا مــــثــــل الــنـــجـــوم الــمــطــلــه
والـــحـــظ ظــلــمــا والـلـيــالــي مـشــاهــيــب
والــؤقــت لــغــزن يـتـعــب الــنـــاس حــلـــه
وحـنـا تـحـت رحـمـتـك يـــا عـالــم الـغـيـب
تـغــفــر لــنـــا مـــــن كـــــل هـــفـــوه وزلــــــه
لـــــو الـفــقــر ضــيـــفٍ وحــنـــا مــعــازيــب
يــامــرحــبـــا بــالــفــقـــر دقـــــــــه وجـــــلـــــه
كــرمـــان لــــــو دارت عـلـيــنــا الــدوالــيــب
وظـــفــــران لـــــــو ان الــمــزاهـــب مــقـــلـــه
الفـقـر مـاهـو عـيــب تـــدري وش الـعـيـب
انـــــك غــنـــي والــبــيــت مـــحـــدن يـــدلـــه
مـــاهـــو بــمــدهــال الــلــحــا والاشــانــيــب
مــقــفــلـــن بــــابـــــه وقـــــفـــــرن مـــحـــلــــه
واللـي يـصـر الـقـرش فــي داخــل الجـيـب
هــــو يـحـسـبـن الـنـعــم ســهــل يـحـصـلــه
حـــفــــاوة الــطّــيـــب كــثـــيـــر الــتــراحــيــب
مـطـلـق عـمــس ضـيـفـه حـجـاجـه يـفـلــه
مـاهــو عـلــى ضـيـفـه قـريّــب محـاضـيـب
الا مـــــــداه بــعــيـــد مـــــــا جـــــــاك كــــلــــه
والــــلاش مــاســر الــخــوي والاصـاحــيــب
مــــن طــاولــه مــلــه ومـــــن جـــــاه مــلـــه
قصيدة للشاعر رجا بن فهيد ال جميل الهاجري