اهداء الى الاستاذ عايش البلوي ابو غازي / شموخ اردنيه
المدح ضيفي والقوافي مواجيب
ومن طول الغيبات جاب الغنيمه
واليوم مدحي في هل الخير والطيب
عايش ابن جدعان راع العزيمه
من طيب ابوغازي جبت خمسة مكاتيب
ضمنتها بالعز قدر وحشيمه
الأوله مافيه شكن ولا ريب
رجلٍ حكيم ونيته مستقيمه
والثانيه مايلحقه بالسطر عيب
وقت الملاقا مايخلي نديمه
آشبهه باللي تعشى مع الذيب
والثالثه ينصاه حتى خصيمه
والرابعه تلقاه فوق المراقيب
صقرٍ ليا من طار جاب الوليمه
والخامسه صادق ولا له أكاذيب
والقلب طيب والنوايا رحيمه
وختامها بالمسك والعود والطيب
رجلٍ شجاعٍ والأيادي كريمه
الشاعره / شموخ اردنيه
👇👇👇👇👇تنويه
تنويه لمن يسال عن هذه القصيده واسبابها ، الاستاذ/ عايش بن جدعان تفضل بمد يد العون لنا بمعالجة والدنا ، وهذا اقل شي منا لرد الجميل ، شموخ اردنيه
رد مع اقتباس
المفضلات