قصيدة للشاعر والناقد جبر رشيد ابو خشيم

قصيده للشاعر والأديب والناقد والمحلل الادبي / جبر بن رشيد ابو خشيم البلوي...
* والتي كانت اول قصيده والوحيده المرتبطه بالملتقى الادبي لشعار القبيله وانطلاقته منوها لأمور فعلا هي الاساس والفيصل ليكون التواصل وبناء العلاقات رضى لرب السموات وتطور وارتقاء بالمواهب والطاقات ...
----------------------------------------
ياهاجس الابداع مافيها يسار ولا يمين......
من نادر الأفكار هات الجزل والصعب أعسفه.

سجل حضورك مع حضور أهل الشعر والمبدعين.
. في ملتقى شعار بلي أهل الأدب والمعرفه.

بضيافة اللي عادته جمع الرجال الطيبين.
عايد عشير الطيب مايحسب حساب التكلفة.

عايد ولد سالم كريم ومن رجالن غانمين.
ليا دعا راع العلوم الغانمه مانخلفه.

يا مرحبا ترحيب وافي فاح ورد وياسمين.
عند السميري عد براق المزون المردفه.

والملتقى في صف واحد كلنا متفاهمين.
واللي يحاول يشقر الوحده لزوما نحذفه .

في صف واحد والتواصل خير في دنيا ودين .
واللي عرفنا اسمه على الواتساب بكره نعرفه.

والشعر ديوان العرب يبقى على مر السنين.
يبقى على طول الزمن لو مات شاعر والفه.

والواجب انا مانغط الحق دوما منضفين .
والشاعر المبدع بدون غرور لازم ننصفه .

والشاعر اللي مهتوي بدع القصيد بكل حين .
خله يقول اللي معه وسنين بقعا تكشفه .

وختامها صلو على المبعوث خير المرسلين.
شفيعنا يوم اللقا باهوال ساعه مرجفه