اليوم حزني كبير وجرح قلبي كبير .
هذه احد المرثيات التي احب دائماً تواجدها بين قصائدي
لأنني كتبت كلماتها بدموع الحزن يوم / الجمعه 27 / 8 / 1423 هـ
..........
عسى ان لا تعكر صفوكم
!
!
!
!
الــيوم حــزني كـبير وجــرح قلـبي كبير= الــيوم دمــــع العــيون.. ابنثره .. وانثره
الــيوم ودعــت ســـالم بالــمـــقر الأخـير= لحـــظــة.. وداعٍ تهــــز القلب وتبعــثره
اليوم حـــزني كبير.. وين..وين الصـغير ..؟ = اللـــي أمــوت وجـــروحـي باقــياً تذكـره
اللي رحـــل تاركٍ بالبيت شـيءٍ كـثير= فـراغ .. حــزن .. وبقايا باقـي مــــئثره
هـــذا مـنامــه اليا شفـــته عيوني تحـــير=ومــلابس بشـــوفها.. مـاعاد لي مــــقدره
واختٍ فقدته وتسائل.. وين..وين.. وتدير..؟=تصيح ســــالم ..ياسـالم.. وين .. وتدوره
ماتدري ان سالـم أقفا فـــيه ربٍ بــصـير=الله جــــل جــــلاله أحـــمده واشـكره
سبحـــانك وياإلاهـــي جــــيرنا يامــجير= لك مـا أخذت.. وعطيت وعندك المغفـره
ياخالـــق الخلـــق عـــوضنا بما هو خير = في ما أخــــذت وعـــزانا ياإلاه إجــبره
يالله يوم العـــبوس المــــذهر القمــطرير =يومٍ كلٍ بمـــا حـــاش وفعـــل تحـــــشره
جـــعله شفـــيعٍ لنا في هالنهار الخـــطير=يالله ومـــنك الصـبر.. والعفو.. والمـغفره
يالله عـــبدك ضــعيف وشال حـزنٍ كبير= يالله ثبت خـــطاهـ .. وعـــــينه.. وصـبره
عايد السميري
رد مع اقتباس
المفضلات