لــك ياحبيبي يا محمــد ..

من يملك يارسول الله حق قبول العذر نيابة عنك ؟
من يملك ان يعذرنا على تقصيرنا ؟

لله نشكوا ضعفنا وقلة حيلتنا وهواننا على الناس ..

على شوفة عيونك ياحبيبي كيف صار الحال = وعلى مسمعك ردات الفعل والفعل وخضوعه
تزلزلنا المصايب والفتن والذل والأهوال = وتكسرنا بيانات الرضى والعذر وخنوعه
إلا يا سيدي شلت يمين اللي عليك احتال = ركب موجة بحرنا وبالنوايا بيتت رجوعه
يسلم باليمين اللي يصافحنا بها محتال = وبها نفس اليمين يعاهد المجرم على طوعه
يحلون الحكي بالمرجله والدين والأمثال = وتندى من فعايلهم حروف الحكي وجموعه
ألا ياليلنا مالك جدى والنوم زاد و طال = ألا يا صبحنا الموعود مدري هو متى طلوعه
بكت منا السيوف وناصيات الخيل والأنفال = وشكت من ذلنا شم الجبال وذاقت اللوعه
وعافتنا اليمين اللي حدها عن صدى الأفعال = عظيمٍ ما تفاخر صفعته إلا على كوعه
لك الله يارسول الخير عذرٍ باكر وينقال = ومن يملك قبول العذر عنك ويرتضي نوعه ؟!
على شوفة عيونك دمعتي من ضيقةٍ بالبال = وعلى مسمعك دعوات الضعيف ورجفة خشوعه
على شوفة عيونك سيدي هالسجن والاغلال = وعلى مسمعك ردات الفعل والفعل وخضوعه

..