سواليف .... للمجرم احمد عايد
احمد عايد بدون مقدمات
سلمان تنشدني وتبغى سواليف=تنشد خويك !!... رووووووووح وانشد زماني
انشـده ليـه الـورد مـا يامـن الصـيـف =وانشـده ليـه الصـدق خــان المعـانـي
انشـده ليـه وليـه ... لـيـه المواقـيـف =تفضـح رفيـقٍ مــا يتـعـدى مكـانـي
وليـه البخيـل يـون مـن شوفـة الضيـف =وليـه القصـايـد مــا تــود الاغـانـي
وكيف الكلام يصيـر امضـى مـن السيـف =وكيـف الخناجـر مـا تفـوت المحـانـي
انشده كيف ؟؟ وكيف ؟؟ ولا ... بـلا كيـف =ليـه الزمـان يـخـون تـالـي زمـانـي
هي قلة الوالي ؟؟ .. هـي سطـوة الحيـف =هـي زلــة الجـاهـل ...؟ ولا لسـانـي
هـي فرحـة البـدوان لا شافـوا الـريـف =هـي ضحكـة البحـار عـنـد المـوانـي
يا صاحبي خلك بروس المشاريف =خـابـرك والله مــا تـحـب الطمـانـي
رح قـل لخالـد عـن علـوم المهـاديـف =قلـه عـن فـلان ... لا ... عـن فلانـي
وشلـون حطونـي علـى صفحـة الزيـف =وشلـون خانـوا مــن يـعـد المثـانـي
قلـه وقلـي .. لـيـه فـرقـا الموالـيـف =تعشـق تشـوف الـكـل منـهـا يعـانـي
قله بقايا الظل ... تضحـك علـى الطيـف =قـلـه جـفـاف الــروح ذاب بكيـانـي
وجنوني اللي خافه اللص (.........)=مـن شـان يكسبـنـي بطيـبـه شـرانـي
واليـوم عنـا صــار يلـقـى محـاذيـف=اشهـد شهـادة حــق : ربــي بـلانـي
سلمـان اسمـع : ( مـا بقلبـي سواليـف)=والـلـي بقلـبـك ... مايقـولـه لسـانـي
احمد عايد البلوي
رد مع اقتباس
المفضلات