الشاعر محمد بن سند العرادي\\ نويت اصير من الهوامير بالدين

هذه قصيدة رائعه للشاعر محمد بن سند العرادي
في الاسهم السعوديه تعبر عن نصيحه نابعه من القلب للجميع المستثمرين الصغار

هات القلم واكتب من الشعر بيتين = نويت أعد أبيات وأنا لحالي
اليوم أنا كسبان بالسهم عشرين = وخسران ميه بالسهم راس مالي
حسبت وإليا مخسري به ثمانين = ياليت ما سويتها في حلالي
بعت البيوت وثم بعت البساتين = وبعت العشاير ثم بعت المتالي
نويت اصير من الهوامير بالدين = بعد الحصيره فرشنا من الزوالي
مني نصيحه للضعوف المساكين = لا يغرهم كثر الرعد والخيالي
ياهل المحافظ صابرينً الى وين = المكسب المطلوب مبلغ خيالي
يضحك معك والدمع في حاجر العين = واليا سالته قال مالك ومالي
ياهل العقول الراجحه بالموازين = لا تدخلون السوق والجيب خالي
الناس فيهم يشتغل بالملايين = وفيهم لقى له مال من غير والي
لا تصير مثل الي يخاوي المجانين = ويطيح مثل مقيط من راس عالي
إن القناعه كنز وأما الطمع شين = والصبر مفتاح الفرج لا تبالي
كلن خذا خابور ويقول بعدين = إن مت يبقى للمره والعيالي
صلو على المختار حيناً بعد حين = مرسول من رباً عظيم الجلالي

بالفعل رائعة جداً


شكرا لك أخي أحمد

اخي العزيز
بدر البلوي
الله يعطيك العافيه على هذا المرور المشرف لي

الهم صلي على محمد ---- الحقيقه تجربه مره وقصيده معبره جدا عن احوالنا هاليومين نسئل الله السلامه

اخي
حمود احمد البلوي
تشرفت بمرورك
فعلا الشاعر محمد سند العرادي
مر بتجربه مريره في الاسهم السعوديه وخسر الكثير بها
وكان ليس امامه الا التعبير بالقصيدة الرائعه

الغالي / أحمد بن مصيليح


شكراً لك على هذا النقل الرائع


صح لسانك ولسان الشاعر محمد بن سند العرادي

تحياتي لك