الشيب

الملف الشخصي · 08-09-2006, 05:11 PM

الشيب روس أرجال طلوا من شبابــيك الظـــلام = بـيض الوجيه برأيهم خلـو ظـــــلام أول ورى

وأصبح كلامي كل نصفه صمت(ن) ونصفه كلام = وأول كلامي عن وقار الصمت هـــــذا ما درى

وتقول لي يا صاحبي اصبغ وأنا كــــل الكرام= طلـــوا عـلـيه من شبابــيك الظـــلام ويا ترى؟

كيف اصبغ اوجيه النشاما ليل وإحساسي ينام = عنهم وبيض اوجيههم جني ولــيل أول ســرى

وخذ معه طيش(ن) ذبحني حي بعــيون الأنـــام =ماهو مثل هلحين لي حكمه أمـــوت وتـنــقرى

العـــمر ثروة ما بــدت إلا بعــد خمسين عــــام =الشيب لا ماهــــو نهــــاية بــل بــــداية للثرى

حتى الصــــبايا فالحكايا عن مواعـــيد الغرام = الشيب يــبعدهن ترى هذا حـــديث(ن) مفـترى

هذا انا لي في ربيع عيـــونها حب وهــــــيام = بنت(ن) هوتني من تبوك الورد لين أم القـــرى

ويوم الوله قاسي يحملني صديق أول مـــلام = وانه يرى شيبي وعــمر أكـــثر معالية انبرى

يوم الوله عذبني وقالي صديق أول ..ســـلام = قلت وعليك.. وقال ياشايب بعقلك وش جـرى

قلت الوله ما يعترف بالشيب ..قـالي بابتسام = اصبغ (أذن) قلت وضميري ما يباع ويشترى

كيف اصبغ اوجيه النشاما ليل قالي باهتمام = ذيك العيون السود ماتدري بك الشيب افترى

قلت الهوى قالوا زمان اعمى ويا عبدالسلام = ترى رأيت الشيب في راسي وغيرك مايرى

doPoem(0)

الملف الشخصي · 08-09-2006, 06:37 PM

صح لسانك يا الاسحم
قصيده رائعه
حتى الصبايا فالحكايـا عـن مواعيـد الغـرام
...............الشيب يبعدهن ترى هـذا حديـث(ن) مفتـرى

وترى قلب الشاعر ما يشيب ماهو مثل غيره