حلـــم ليـــل ,,,,!!!

السلام عليكم ورحمة الله وبركاته

إليكم هذه القصيده ,,

وأتمنى أن تنال إعجاب الجميع ,,

البارحـه جتـنـي هواجـيـس وحـلـوم = ضـاق الصـدر منهـا وحالـي تــردّى
كني امواج(ن) حامها الريح وتحـوم = تضرب بها ياناس جـزر(ن) ومـدّى
هاجس يقول ان الغضي زارني يـوم = أقـبــل عـلــي وشـافـنــي وتــعــدّى
أقبـل ولا يسـأل عـن الحـال وعلـوم = أقبـل وهـو يسـرع وحـولـي تـهـدّى
ومن بعدها نظره مـن الحقـد واللـوم = ويقول هذا هـو جـزى ألـي تـودى؟؟
قمـت أتلعثـم فـي كلامـي وأنـا أقــوم = وأعطيه من أحساس الكلام المـودى
قـال الكـلام اليـوم مـا عـاد لـه لـزوم = دامي حديت أسمك من القلـب حـدّى
قلت ان هجـرت اليـوم والله محـروم = محروم من قلب(ن) بجوفي مصـدّى
مـا يقربـه وآشـي ولا ريـح وسمـوم = ولا يقـربـه حـاسـد بحـسـده تـمـدّى
تكفـا حياتـي.. رجّـع الماضـي اليـوم = وأيـمـنـا الـحـلـوه بـهـمـه وجــــدّى
قـال العـذر .. ماعـاد لـه لازمـه دوم = وألي مضـى يأسعـد صعـب المـردّى
ومن بعدها.. ماشافت عيونـي النـوم = ولا عاد راسي يطيق شوف المخدّى
هــذي حكـايـه البـطـل فيـهـا هـمـوم = وكان الضحيه عاشق(ن) مات ودّى

محبتي ,,

أسعد السحيمي
::زاد الشـقـى ::

والله قصيده روعه جد يا أخي الحبيب زاد الشقى وتقبل مودتي

يا عيني ..

رووووووعه

صح لسانك

صح لسانك
يا
زاد الشقى
ويعطيك العافيه على القصيده الجزله
وحقيقة امتعتنا بها

يا اسعدددددددددددددد
دمت بهذاالشموخ 0روعه من رائع وقفت عندها
بااستعداد وانصرفت بعد آدى التحيه0 وانشاء الله
يهدى البال وتنام عيونك نومت الهناء يازاد الشقى
وتقبل تحياتي

زاد الشقــــــــــــــــــى ,



.

.


دوما مبدع فيما تكتب

ودوماً تشدنا بما تطرح ..

سيدي الفاضل..

تحياتي لك ولقلمك .


.