اخوى عبدالمجيد الهرفى حبيت اشارك مأسات اخونا الاسير حميدان التركى بهذه القصيده لأحد الشعراء
نادوا لي الهيئات وحقوق الانسان=لو هي ضمايرها مع العدل حيه
بارغم شكي في قضاهم والاحسان=خصوص لا كان السعودي ضحيه
حسبي على من ورطك يا ( حميدان ) =حتى رموا بك في سجون امركيه
بمؤامره زافوا لها كل بهتان =حتى تجي ضدك حبال القضيه
الذمب : مسلم ! والبراهين الايمان =هذا لوحده جرم واكثر شويه !!
وشلون وأنت من أهل توحيد رحمن !! =واسمك سعودي من هل الشاذليه !!
إلا إنت صيدة حقد بيدين شيطان =فرصه لضرب المسلم ابن الحميه
لا تضيق يا حميدان لا يجيك حقران =دامك على عزه .. عزومك قويه
طاول براسك فوق عبّاد الاوثان=واستنجد الله يدمغ أهل الخطيه
دامك جبل راسي مثل ضلع ( ثربان )=لا تنحني لاهل القلوب الشقيه
حنّا نناشد في ملكنا كحيلان =يفزع بجاهه في سكون ورويه
هذا ولدنا وانت أبونا وربان=مسموع صوتك .. وانت كفك وفيه
والله ما نرضى ( حميدان ) ينهان=ما دام نقدر صد عنه البليه
ما نحتمل سجنه ولا هو بغلطان =سبة قضية جور ما هي نقيه
يقضي حياته بين مجرم وسجان=في ديرةٍ فيها الرذيله سجيه
يا الله يا رحمن يارب الاكوان =تظفي على عبدك ( حميدان ) فيّه
من ظلك الظافي .. وترجعه فرحان=للديره اللي قبلة العالميه

محمد بن حمدان المالكي8/8/1427