قصيدة المخراز وردها

بسم الله الرحمن الرحيم

هذه القصيدة ارسلتها الى صاحبي أبوسامي احذره فيها من شخص كان يحاول الوقيعة بيننا ودائما يظهر نفسه على انه الافضل ونحن عنده ولاشيء ولاحضت من كلامه وسلوبه انه ينوي شر فكتبت الى ابو سامي القصيدة التاليه بعنوان المخراز
وكانت بتاريخ 8 /8/ 1412ورد عليها ابوسامي فورا
المخراز
/شعرسليمان الرقيقيص أبوضحى

بشير أنا عا رفك ما يعتاز = خو ينا نفسه لشره ميولة
سمعت أنا وحسيت بعض الالغاز=واخذت لي في هالمواضيع جولة
لا لا يهمك كل هماز لماز=تراه مايعرف كلام يقولة
هذا يابوسامي يشبه المخراز=يمشي وهو يدفن مواطي رجوله
قبلك غدالي كنه الحزاز=مسوي علينا هالفويسد فحولة
خلك حذر وابعد عن القاز=مادام نارك والعه لاتطوله

رد بشيرابوسامي على القصيدة 9/8/1412
أعطيه دروس
/شعر بشير أبو سامي

هلا باللي كتب لي نصيحه شكلها ممتاز=يقول احذر من الاجرب خويي لاتجي حوله
حقيقة كل ماقلته صحيح ولايحتاج ايجاز=ولكن ماعلى عاقل من الجاهل لو كبر زوله
ولاتهمني هروجه ولا يهزني الهزاز=ولافكرت بأشكاله واعماله غيرمقبوله
وكنه غرته نفسه اعطيه دروس بالجمباز=واذا ما طاعني وانصاع ترا ارميه من طوله
ترقب وانتظروتشوف مايعرض على التلفاز=عسى تاضح معالم ناس يابو داؤود مجهوله
ومن يمشي مع العالم يتعلم صنعة الخباز=يذوق الملح في زاده وياكل خبزه على فوله

المخراز
هو الذي يخيطون به المصنوعات الجلدية

بارك الله فيك وفيه

الله يعطيك العافيه على النقل
وبارك الله فيك وفيه

صح لسانك ولسان الشاعر ..