هذه القصيده بمناسبة زيارة صاحب السمو الملكي
امير منطقة المدينه المنوره
عبدالعزيز بن ماجد للعلا
هلا حياء الله امير المدينه يوم مر وزار= هلا ولفا هلا من نفس منهيه وماموره
هلابك يابن ماجد حر وافي من صقور احرار= صقورا تاصل الحروه ومعروفه ومشهوره
هلابك وابرك الساعه بشوفك بيننا مختار= هلا بك بالعلا وارض العلا يامير ممطوره
هلابك عد مافاحت رواح العشب والازهار= رواح الشيح والقيصوم لامن فاحت ازهوره
وريح الورد والبن الخضر والهيل والمسمار= وريح المسك والكادي وعبق الورد وعطوره
على حفلة بلي ربع الوفاء واهل الوفاء والكار= لفو من كل صوب وكل واحد حسب مقدوره
ترانا ناس دغري مانلف ايمين والا ايسار= عطينا العهد والله مانبوق العهد ونخوره
عهد مانبوق دار العز دار المجد والاكبار= ربينا في دفاها وبكنفها اعيال وبزوره
ولانرضى ولانسمح عليها يصير مهما صار= عدانا عن وطنا بأذن رب الكون مدحوره
حفظك الله يادارا لها تهوى قلوب اكثار= رغم كل الظروف العاصفه بالناس منصوره
حكومتها رشيده مابها احزابا ولاتيار= حكومة عدل باعمال الوفاء والخير مبروره
وخذ منا الولى وابلغ ولانا لحاكما بيطار= ابو متعب ملكنا والهدى والعدل دستوره
مليكن عزه الله عالي الهامه طويل اشبار= حبيب الشعب والافعال محموده ومشكوره
هذا صقر العروبه في قلوب الشعب له مقدار= دليل الحب كلا صوره ياحي هالصوره
ولد هاك الزعيم اللي حكم دارا واعز اديار= حكم بالسيف والبندق على خرجه وباكوره
جمع شمل القبائل واعلن الدوله وحكمه سار= من البحر الحمر غربي وشرقي راس تنوره
على هدي الصحابه سار وايضا سيرة الاخيار= تمسك بالكتاب ومبتدى الارشاد والشوره
شعاره لااله الا الله واخير اشعار= عسى الله يرحمك ياعبد العزيز اخو نوره
ولاننسى فهد الله يجيره من لهيب النار= من ملوك البلاد اللي فلاينسي دوره
نهار الموقف اللي منه بعض العرب منهار= ابو فيصل وقف وقفات بالتاريخ محفوره
رسى مثل الجبل شامخ توارت عنده الانظار= وقال اقضي على الارهاب بوره من وراء بوره
عسى الله يرحمه رحمه وسيعه والكبار اصغار= وقف وقفات والعدوان ماطيه ومقهوره
وقدامه سعود وفيصل وخالد ملوك اكبار= ملوك اعظام بالتاريخ مشهوره ومذكوره
وانا ارحب وهلي والتحيه باخر المشوار= تحية شاعرا بالورد والريحان مسطوره
تقبل تحياتي وانا شاعر من الشعار= على عز وشرف يقراء لك احاسيسه مع شعوره
قصيده هذا صقر العروبه
رد مع اقتباس
المفضلات