ما تذكرين العيد يا طفلة الحي
ما تذكرين الصبح والورد والشوق

ما تذكرين اللعب والطيش والغي
ما تذكرين الحي والعم مرزوق !

نطير كنا في سما حينا زي :
إطيور غنت للفرح بالسماء فوق

ونرووووح للبياع ما بيدنا شي
ونقول نشري .. بس من قبلها نذوق

جربت هذا .. لاَ .. وش رأيك بذي
وكن الحلاوه تقول ياطفلنا : بوق !

ونقول يابياع بنروح وشوي
نرجع .. ويزعل / بس مايطوّل يروق

وماتذكرين شلون نمتي على يدي
وتلاعبين بيدكي وردة الطوق

وقلتي أذا بكره كبرنا أبي لي
فله بحديقه وباب يفتح على السوق

وابي ما اسمع في حياتي ولا أي
ولا آهـ منك ولا ابي حزن مخلوق

لكن كبرنا ياحياتي وهي هي
نفس الحياه : الجرح/ والحزن/ والشوق

بس إمسكي أخر بيوتٍ من يدي
وياجعلني اسكر بحبك ولا افوق

كل عام وانتِ بخير يا فتنة الحي
وكل عام وإنتِ في سما حينا فوق

مـــــبدع يأبو عـايد
دائما أنت الأبداع
صح لسانك
أسال الله لك الجنة
أخوكم الزاد