بعض الاوادم سلط الله علاها....@

به ناس خيبه ضيع الله عناها = لاتسالوني صار عن مابها صار

بعض الاوادم سلط الله علاها=نهارهم سمحين والليل فجار

مثل اليهود اليا العفن في الحاها =عبادت الشيطان خبثين الاشوار

ابحترم نفسي واجنب خزاها =ماني متابع كل مسكين هذار

لولا شعاع الشمس وازفر هواها =لقول مالي فيك يادنيتي دار

احسن مافيها شربت ازلال ماها=وصلاتن بمسجد وعباد طهار

وامساتن بخيعة وسيعن فضاها =احاظي الدله مع نجوم سمار

ماخاوي اللي مثل اسافل انساها=الهيس ابن حمار ويعقب احمار

ذاتي شكت من هاجس اللي صلاها =هواجسي تاتي مع الصبح زوار

الله عطى خزياه للي بغاها = وانا عطاني نفس مفهوم الاحرار

يخسى الردي لي هامتن ماوطاها =مادام من روحي لها سناد وحدار

حتى القوافي يومي اسري معاها = العب بها واضمها ضم الازهار

اشدي بها للي يعرف امعناها =ماهي على مفهوم قصرين الانضار

انا وروحي مع شقاي وعناها =سيارتن مع القمر حيث ماسار

تتوق روحي للخزامى او شداها =كما يتوق العود للبن وابهار

doPoem(0)

شيهان النود

ــــــــــــــــــــــــــــــــــــــــــــــــــ ـــــــــــــــــــــــ
السلام عليكم
يخسى الردي لك هامتا ماوطاها
مادام من روحك لها اسناد واحدار
.......
شيهان النود
من انا حتى انقدك
واعتبر هذا متابعه واعجاب
احسنت..احسنت..احسنت
هذا ماكنا ننتظر فاالى الأمام
ودمت اخا غاليا