عيد الناس وعيدي انا

ياعيـد حدتنـا الليـالـي العنـيـده
____________
.

.=
هـل الهـلال وباركـوا بالجريـده =وعبر الاذاعه للخبر صـار توكيـد
شهـر الصيـام الله علينـا يعـيـده=مسك الختام اليـوم والليلـه العيـد
ايـام تمضـي حسـب مالله يريـده=نبدا العـدد ويعدنـا الوقـت ويعيـد
نعمـل ونرحـل والليالـي جديـده=نبكي. وتضحك. ينشط الوقت وانبيد
والعيد بسمـه فـي جبيـن العقيـده=رمز الفرح للناس مـن دون تحديـد
والعيـد فرحـه للنفـوس السعيـده=ولا يجتمع في قلب حزن وزغاريـد
وانا هواي وريـف قلبـي وعيـده=باهي حلا.. هافي حشا..ناقض الجيد
الروح تجري في يديني مـن ايـده=ولي تصور ضحكته فرحـة العيـد
ياعيـد حدتنـا الليـالـي العنـيـده=والوقت وثق في يدي جـارح القيـد
والدرب مظمـا والمـوارد بعيـده=وحس الرمي من سكتي جفل الصيد
في رحلتي للقنص شفـت الفريـده=ترتع.وتجفل.تنفـر اشـوي واتعيـد
كنت الوحيد اقنص وكانـت وحيـده=تمرح وانا ارمي بالنظر فتنة الغيـد
ماكنت مستعجـل ولاهـي شريـده=ويـوم اقربتنـي ذيرتهـا البواريـد
وحاولت اصور حسرتي في قصيده=لكنهـا فـوق التواصيـف ياعـيـد
اقرب قريبه صـارت اكبـر فقيـده=حيـه فقيـده وصلهـا فيـه تهديـد
ياعيد لو قلبـي خلـق مـن حديـده=ذابت من اللوعـه وحـر التناهيـد
ليـت التمنـي للمعـنـى يفـيـده=صدفة لقاء تسوى جميـع المواعيـد
.=

*الشاعر محمد الهرفي

محمد الهرفي

هلا بك

وسلمت

وصح لسانك رائعه رائعه يامحمد

تحياتي وتقديري
لك

عايد السميري

ياعيـد حدتنـا الليالـي العنـيـده
............ والوقت وثق في يدي جارح القيـد

اخوي : محمد الهرفي


اسمحلي بمشاركه ثانيه
لكون رد واحد لا يفي هذه الرائعه حقها
قرأتها اكثر من مره
وتوقفت عند كل بيت

وفرحت بقدوم نجم لهذا المنتدى سوف يكون له شان بهذا الصرح انشاء الله

سجل اعجابي الشديد
وتقبل
احترامي وتقديري

عايد السميري

محمـد الهــرفي

يعطيك العافيـة قصيدة رايـعـة
بروعــة قايلها
نتمـى منك الجديد

وكل عام وانت بخير

مقبول البلوي

الشاعر
محمد الهرفي
قصيده رائعه شكرا على اتحافنا بها
وصح لسانك

محمد حياك الله

وماشاء الله عليك رائع وتستحق التقدير

نحن ننتظر الجديد