بأختصار اللي بلا خانه يموت بدون خانه

ما يمون اللي مايدري ويش تعريف الميانه= ولا يحسب الوقت جاهل فالمطاليع ألأصيله
بأختصار اللي بلا خانه يموت بدون خانه= أن هرج واللا تفلّسف بالكثيره والقليله
يا هجوس الشعر أنا مالي على العالم ضمانه= لا على راع الحصان ولا على الكحيله
يا هجوس الشعر أنا راسي يبّرق في مكانه= قامت الروس الصغيره تدحمه تبغى تشيله
والحصان اللي رثع ما همني كثر ارثعانه= دامه اللي يركبه أعمى ويبغى له دليله
والدليله قلبه أسود لو مدحني في لسانه= شاوياً في ماضي الأيام ما زّبن دخيله
الله اكبر يا هجوس الشعر لو بالناس أمانه= ما يحّطون الخفيفه في موازين الثقيله
العفانه حروفها الناس سموّها الذهانه= أنتهى عصر الأمانه وأنتهى عصر الفشيله
والمصيبه والمطمه والجريمه والأدانه= يوم شفت الخبل جنب الضلع متهقوي يزيله
ضريت الحره على مّس العصى والخيزرانه= بعد ما كانت ما تدنى اللمس واليمنى الطويله