قصيده غزليه للشاعر مبارك خليف .. النـــجـــم ...

هذه قصيده غزليه
للشاعر
مبارك خليف العصباني
عــــزام

مقادير الزمن خانت ونجمي من سماكم طاح=كسير ٍ عزته ترفع مقامه لو يطيح الحظ
غزاني منك يا ظبي الفلا غزو ٍ وراه اشباح=أسرني وامتلكني عضني بأنياب جيشه عض
شموسي غابت ونوٌر ظلامي خدك الوضاح = جبينك عن شموسي يوم غابت شعشع وعوض
الا.. ليت الزمن يجمع شتات وينجب الأفراح=يروف بحال من حاله نحل ولكل زين ابغض
غريب ٍ في سما حبك بخفاق الغلا سباح=اهيّض عبرتي وليا طرى طاريك لي هيّض
ولي صولات ٍ وجولات في قفر الخلا الصحصاح=اهيم بكل واد ٍ سيّله سيل الغلا وفيّض
لك الله يامعذبني لك الله راح صبري راح=دخيل عيونك النعاس قلبي بالهموم اكتض
على نغمة لحن فيروز غنى طيري الصداح=سلام الله على اللي لاتبسم بالنجل يلحظ
نسايم شوقي الهايم مع الإمساي والإصباح=توجه لك بقلب ٍ من طعونك والمواجع جض
بساتينك عبايرها تفوح وشوقنا فواح=طيور الما تغني له وبارق مزنتك له نض
نسايمك العليله هبهبت والسرب جر نياح=نياحه جر قلبي واعذب لحونه تشظه شظ
فقد كل الصواب وضيعه وانفكت المسباح=تمايل لك من غصونه مع الذعذاع غصن ٍ غض
جبرني شوقي الجاير جبرني حبك الفضاح=ورى اسراب السراب الظامي الملهوف لك يركض
سموم القيض حاديني ولا عينت جني ارباح=تطارد خيلي وطيري من الراس الطويل انقض
جذبني جذب طير ٍ يجذبه صقار بالملواح=غوى بسود ٍ نواعس فاتنه ويدين غض ٍ بض
لو ان نيوتن العالم حضر وقتك عطاك وشاح=وشاح الجاذبيه والوسام وعن سواك اعرض
جمعت الزين كله وامتلكت ازكى زكى الأرواح=غلاك وزينك بقلب المعنا ربّع وقيّض
تصيب المستصيب بناعسات ٍ والهدب ذباح=تخيط الجرح لاسلهمت فيها ثم تقضه قض
ولكن لايغرك زود زين وطرفك اللماح=أنا لامن بحلت اضرب على الكايد وافضه فض
لو اني من عيونك مستصيب بخنجر ٍ ورماح=رفيع بعزتي عالي مقامي لو يطيح الحظ

........

مبارك خليف البلوي ((عزام))
حايل

اخوي ابو محمدصح لسانك ولسان شاعرنا المبدع ابو وجدان
ويعطيك العافية على اتحافنا بهذه القصيدة الرائعة
ودمت بخير

رائع يابندر
وصح لسان
الشاعر الكبير مبارك البلوي
لاهنت ابومحمد
.

يا هلا بأبو نواف
وصح بدنك والف شكر
يا
الجديد

يا هلا ومرحبا
ابو حمدان
والف شكر على مرورك الكريم

صح الله لسانك

ولسان الشاعر/مبارك خليف البلوي

قصيدة رائعه

فكل الشكر لك

لنقلها لنا

اخوك/ابو سعد