البيض عافني

من قصائد والدي
الشاعر
سليمان ابراهيم الوحيشي

يالله ياللي من لجى فيك ماخاف =يارازق اللي يكرمون الضيوفي
ياللي خلقت الاف والنون والكاف=ياللي على حيك رحوماً رؤفي
تشفق لمن قلبه على حد مهياف=اللي على الماضي كثير الحسوفي
اللي مضى نشره على رعي الاطراف=ونشره على حب الغزال الهنوفي
واليوم شبت وتبت عن كل محذاف=اخاف من يومٍ عليه محذوفي
اخاف من يومٍ به العمر ينلاف =لف الجيج اللي بمكه تطوفي
البيض عافني وانا قبل منعاف=اليوم عافني وانا اول عيوفي
حلفت لولا الشيب روح بالانصاف =مجلس لنص محنيات الكفوفي
كم شايباً لنه بدا راس مشراف=يرم اللحم بمشوكات الزروفي
اللي ليارمي الهدف صاب الاهداف=وكلً على فعله يصير معروفي
العود يصبر لو يغطن الاضلاف=يصبرلوان البد لحق الدفوفي
ماهو من اللي لامشى بين الاسلاف =اللي ليا قفى تقول مهروفي
مثل البريد اللي على الناس طواف=يقرا الكتاب ولو تهجا الحروفي

صح لسان أبونا الشاعر الكبير
سليمان ابراهيم الوحيشي
وأشهد الله على حب هذا الشخص وتقديره وأحترامه وأحترام جميع ما يكتب من أبيات

الله اكبر الله كبر هذا هو الشعر وهولاء هم الرجال بدون حقران بهذا الجيل

سلّم على خشم الشايب وبلغه تحياتي

ودمت بخير

كم شايباً لنـه بـدا راس مشـراف

يـرم اللحـم بمشوكـات الزروفـي

اللي ليارمي الهدف صاب الاهـداف

وكلً علـى فعلـه يصيـر معروفـي

العود يصبر لـو يغطـن الاضـلاف

يصبرلـوان البـد لحـق الدفوفـي

ماهو من اللي لامشى بين الاسـلاف

اللـي ليـا قفـى تقـول مهروفـي

مثل البريد اللي على الناس طـواف

يقرا الكتاب ولـو تهجـا الحروفـي

أخي عبد الله

اشكرك كل الشكر على النقل الجميل والرائع ,,

وصح لسان الوالد ,,

وانا اقول ان لقصائدهم لون وطعم خاص ’’

لاتحرمنا من مالديه من قصائد لم تنشر ,,

ولك كل الاحترام ,,

اسعد السحيمي

عبدالله



والله هولاء هم المدرسه والقدوه

أبيـــات ... عند التمعن والتفكر فيها تأخذك لأكبر من عمرك


دمت بكل خير


ومثل ما قال ابوعلي

حب لنا خشم هالحكيم وبلغه سلامنا


دمت بخير

.

صح لسانك ولسان الوالد
قصيدة قيمة ونصايح ثمينة