---( أبـــو مــحــمــد )---

تحت بند ( حق الرجال على الرجال )
..

يقدم الشاعر / عبدالله محمود المعيقلي
هذه القصيده لمقام
الشيخ /علي بن محمد بن فالح العرادي
ولي وله ولها الشرف الكبير
...
(( أبــو محـــمد ))

للشعر ميدانه وللناس الأنفال = واللي يبي راس الطويل إرتقى له
وللوزن ميزانه وللكيل مكيال = مابين يالاله ويالاللاله
إن قلتها ماني على الشعر مختال = أدرى حرامه وألتزم في حلاله
على يد اللي للصعيبات حلال = تعليم أبوي بحكمته وإحتماله
يامال فرقى الروح بعده ويامال = يامال طيب الفال من طيب فاله
عزيز نفس أثبت على الأرض من رال = دندون ياقف للصعيبه لحاله
ماودي أسترسل ولكن بالأمثال = الطيب يذكر لاذكرنا مجاله
ومادام للأجواد بالذكر مدخال = الجود نهج أهل الشرف والشكاله
سلام يابومحمد وكيف الأحوال = ياماخذ من الطيب صك ووكاله
ياعم ياإبن العم ياطيب الفال = لك ود والواجب علينا وصاله
ياطيب أهلنا ماضي الوقت والتال = بقلوبهم عز وصلاح ونباله
وعاوعه فيهم وقار وسعة بال = عقـّال مايمشون درب الجهاله
وعاوعه والخير سابق ولازال = متمكن ٍ فيهم قويه حباله
وعاوعه وأثني عليهم بالإرسال = سلالةٍ ياحيها من سلاله
من القرى واللي مع البدو رحّال = والوجه فيها كاسبين الجماله
واللي لهم جدة مرابع ومنزال = ساروا على درب العدال بعداله
شيمة ( بلي ) فيهم تورث للأجيال = اللي جنوب القاع واللي شماله
واللي بروضه والسما فوقه خيال = إما أمطرت ولا تظلل خياله
عممتها لو كنت بختص رجال = من دون لا أستثني أحد من عياله
محمد ومشعل وممدوح الأفعال = وأحمد معه سلمان شاعر خواله
لافرّق الله شمل زينين الأعمال = أهل الكرم وأهل الوفا والأصاله
يقصر قصيدي عن ثناهم ولو طال = يبطي وهو بين الكريم وخصاله
وإن كان لي بالشعر مجلس ومدهال = ماأبخل عليكم بالبيوت الجزاله
هذا الصحيح ,, وكلمة الحق تنقال = قصيدي أنتم ربحه وراس ماله
عليه منكم ثوب وشماغ وعقال = وحقه علينا مانميّل عقاله
تمت وأنا أهديها من الجال للجال = إن جيتكم ,, ولا تجيكم رساله

...
عبدالله محمود الجحرش
..

تحياتي .. رضا البلوي

والف نعم بـ علي محمد العرادي
وشكراً لك يابومحمود على الجزلة صح لسانك ولسان كاتبها
وسبق اني قريتها
لاهنت
.

رضاء
سلمت
انت ومن قال
قصيده اكثر من رائعه
لشاعر مبدع ومتمكن ورائع بكل حالاته
تحياتي وتقديري
للجميع

صح بوحك

وصح بوح العرادي

دام نبض قلمكـ

تحيتي

شماليه وفتخر

الغالي رضا


الف شكر على القصيده الرايعه والجزله في شخص يستاهل
وقد ابدع الشاعر عبدالله والمدح بأهل الطيب ماهو خساره

ولك الشكر على اتحافنا بقصائد هذا المبدع

تسلم يمينك
وصح لسان الشاعر العذب
عبدالله محمود


لك مني كل موده واحترام



عبدالله