اخرالنصايح في سوق الاسهم
الشاعر / مشعي بن بريكان
اتصل بي شخص عزيز ناصحاً بدخولي للسوق لأن المؤشر حسب كلامه اخضر فهاضت قريحتي بهذه الابيات :
توبة فلا ندخل بسوق الهوامير=وأن كان خالفت العهد ربطوني
ياسوق ساقتني عليك المقادير=والمجرمين بداخلك نتفوني
واليوم بعنها بليا محاذير=هروب من سوق البلا صدقوني
حتى لوعين محمد مهاتير=السوق منهك من كثير الطعوني
صعبٍ علاجه قطعته الصواطير=سراقته في غيهم يسرقوني
مخافوا المولى حكيم التدابير=الله عليهم دامهم يمكروني
يامشعل الشهري كفانا خوابير=عزمت تركة طالبك تتركوني
سوق الرزايا وين ذيك الطوابير=طاروا وانا من قبلهم طيروني
سوق البلايا كم طمس من مشاهير=فيما مضى قابلتهم يضحكوني
واليوم ضاع الطير ويا الصقاقير=ماظنتي عقالهم يقنصوني
رد مع اقتباس
المفضلات