ياناقل البارود

اعجبتني واتمنى ان تنال اعجابكم وهي للشاعر الحميدي الحربي

ياناقل البارود لاتذبح الذيب=ادخل على الله بالندب لاتروعه
لو انت يالرامي عطيب المضاريب=ارحم ضعيفاً شملته راس كوعه
احشرته الدنيا بروس المصاعيب=في راس لولاح عسيرًاطلوعه
يازين صوته في طويل المراقيب=وليا عوى لجت محاني ظلوعه
ورزقه على الله ما ملا البنك والجيب=عزيزنفس وراس ماله متوعه
والناس تذكر عامل الطيب بالطيب=وإلا الردي درب القصا من طبوعه
لاتامن الدنيا ترى غيبها غيب=اما رحلت السبت وإلا ربوعه
يقولها عوداً ولع راسه الشيب=عوداً دنى شوفه وثقلت سموعه
دنياك ماعمر بها نوح وشعيب=قبلان راحت به ومقبل تلوعه
يالله ياللي تسمع العبد وتجيب=تحلل المسلم وتقبل ركوعه

جزل المعاني
نقل مميز
اعطيت العافه

ولك الشكر

عبدالله

جزل المعاني..

مشكور على النقل الرائع .. واختيار اكثر من رائع ..

.

عبدالله الوحيشي الف شكر يالغالي على

تنسيق القصيده ولاهنت يالذيب

وكل عام وانت بالف خير اخي عبدالله

وشكراً على مرورك العطر

محمود الجذلي

زادت جزالة القصيده

بمرورك سلمــــــــت

سلمت لهذاالبوح العذب

وتسلم اناملك على النقل

تحيتي

شماليه وفتخر