زجاج في باغه خواجه مسويه (للشاعر الكبير محمد مسعد الرموثي)

الملف الشخصي · 12-28-2006, 08:39 PM

الشاعر / محمد مسعد الرموثي
شاعر معنى من فحول الشعراء كل مااكتبه فيه اقل من ماهو يستحق ......
هذا القصيد مقارنه بين الحاضر والماضي
بداء البدو يتخلون عن عاداتهم ويتركون البيت الشعر ويسكنون المدن ومجرد ما يسكن المدينه
يترك جميع العادات وتغير الحال غير الحال
بدل الدله ثلاجه ...... وبدل المحماس .... والنجر ... المحامص
واشتكت الدله على لسان الشاعر /محمد مسعد الرموثي ماوصلت اليه من هجر وقطيعه الى ان نشفت عروقها
وماكان منه الا ان يراضيها بأ بيات من الشعر ويهدي من غضبها
رغم انه يعلم انه هجرت فعلاً

واليكم القصيدة

تقول الدله على لسان الشاعر / محمد

هجرتني واحرمتني من حقوقي=وانا احسبنك تعطي الحق راعيه
صبرت لين الصبر نشف عروقي=وعزتي لمن مثلي زمنه غدر فيه
من زود هجري بدت بي طقوقي=ونهار مازان اوله شان تاليه
الصين واليابان هم ساس عوقي=زجاج في باغه خواجه مسويه
ياليت مثلك تركني بسوقي=مادام ماهو محتفي في معانيه
ان كان مكرمتني مانت شوقي=عشيقي اللي تالي الليل يحيه
اللي يشب النار قبل الشروقي=في مجلساً ما قفله دون ناصيه
يكزني بالجمر ماهو شفوقي=حتى يفوح البن ويبن صافيه
وذراع شبلاً للمبهر يسوقي=اللي يجيه من المهيل يقهويه
ينوض مثل الصقرطرفه حدوقي=ابوه لعلوم الرجاله مضريه
هذا هوا بالي وشفي وذوقي=واذا خلا من تلك الاوصاف مابيه

الملف الشخصي · 12-28-2006, 08:50 PM

وقام الشاعر محمد دفاعن عن نفسه ويصبر الدله

بهذا الــــــــــــــرد

يادللتي يامالك الخير روقي=ابكاك هيضني وانا الشوق ناسيه
اخشى عليك من التلف والحروقي=وانتي بهتيني وحقي هضمتيه
قربتي اللحيه ومسك الحلوقي=ياليت ما واجهك مني سترتيه
وانتي مثل غيرك من الهجر ذوقي=ماحل بمثالك من الباس ذوقيه
النجر من قبلك يصيح مخنوقي=يبكي على المحماس والهجر طاويه
يهمني قبلك غداي وغبوقي=واذا لفاني ضيف ماني مخليه
ابسط له الخاطروجهاً طلوقي=ومايسر المولى من الرزق ياتيه
ماني قصي مره ولاني سبوقي=وكلن على ماقيل من دون عانيه