لا تحديني والله أقدر أسويها

قلت أبي أسافر وأغيب وأتركك عن عيني بعيده
قالت تقدر ماأظن غيبتي تقدر عليها
أيه أقدر أجل كيف قلبك كان يسويها
بعذبك مثل ماعذبتيني وأني أرحمك أنسيها
أبي قلبك يحس فيني ومن نفس الكأس أبي أسقيها
أبيك تتمني قربي وجروحي تحسي فيها
لا تحديني وتقولي ماراح تقدر تسويها
أنا قررت أبعد وأغيب والي فيها فيها
صحيح البعد أقشر ودروبه ماأحتمل أمشيها
بس الظلم شين يابنيه ونفسي مايرضيها
أبي أخذ معي قلب جروحه مادريتي فيها
أبي أخذ معي طيبه تمنيك لو شفتيها
أبي أخذ معي قصه عجزت كيف أبحكيها
أبي أخذ معي ورده ذبلت ماسقيتيها
الله الله في الأماكن عليكي ماأوصيها
بخليها تذكرك أمير سار في أراضيها
قبل أ رحل أبي أوصي دموعك لا تذرفيها
ترى والله لا شفت دمعه من دموعك أروح فيها

أتمنى تعجبكم
ودمتم بود

قبل أ رحل أبي أوصي دموعك لا تذرفيها
ترى والله لا شفت دمعه من دموعك أروح فيها

رائعة كلماتك وعنيده
ولكنها انتحرت في النهاية عند دموع امرأه
وهذا اروع مافيها
تقبل مروري0

الرائع مرورك أختي الشامخه

لربما أنتحارها أنتصار بحد ذاته
دمتي بود

يالجنيرال مساك الله بالخير سبق وان اعطيناك نصائح في الوزن وفي القافيه سبق وان قلت لت لديك قريحت شعر قادمه ولا كن اتمنى التريث قليلا لابد ياعزيزي بكونك مبتدئ ان تتمعن في قرائة قصيدتك مرات عده وتنقحها تصفيها من الشوائب ولاكن شكلك عنيد ماتاخذ النصيحه .
اخي تقبل نقدي بصدر رحب والله حرصا مني على ضهور مشاركتك بالمستوى المطلوب تقبل تحيات اخون ابن شذيان.

هلا بك أخوي أبن شذيان
تسلم ياخوي بس تدري وش مشكلتي على قولتك عجل
تدري أن القصيده أكتبها في ثواني خلاص تطلع مني كذا
وماعندي خبره أبد في الوزن فأنشاء الله راح أخصص له وقت لدراسته واتفرغ له علشان تطلع القصايد على قولتك بشكل المطلوب

وأذا ماأعجبتك القصيده أقرأها على أنها خاطره بس أهم شي مرورك

تسلم على المرور العطر

لك يسلمو يا جنرال بلي وجنرال الكلمه بعد
بصراحه روعه وسجلني متابع لك من الموضوع
ذا لك يسلمو ومشكور مره ثانيه

أتمنى لك التوفيق ودوام الصحه .