ساقتنــــــــي الذكرى

ساقتني الذكرى ومشيت الاقدام=وسقت الركايب لديار وحماها
يشدني شوقي على ذيك الايام=أيام راحت من العمر في ذراها
أيامنا فيها مضت كنّها عام=أيام حلوه منعشه في هواها
أيامها وقت الطفوله والاحلام=والنفس دايم عشقها في مناها
وطلال منزلنّا مع بيوتاً قدام=جيته ونفسي تشتكي من عنّاها
واقف على بابه عل هبة أنسام=وردت لي الذكرى على مبتداها
وسلمت تسليمه على دين الأسلام=وخذت منه علومه اللي خفاها
وقفت جنب صخور وجذوع وحطام=كانت بيوتاً قد تهدم بناها
ورد السلام بلفظ عاجز وتمتام=بكلمات لكنّي فهمت معناها
وثره يخبرني عن هموم والللام=في خافقه طول الليالي شكاها
بيني وبينه دارت أسرار وعلام=كلاً حمل هم السنين وبلاها
ودعته الباري وانا منه منظام=وهو بعد يرثي لحالي رداها