قصيدة ابتهال كتبتها عند حلول ازمه صحية بشخص عزيز علي ... والله يشفي جميع المسليمن...



البارحة ما طاب نومي بالفراش**** ما غير اهوجس بالزمن والليالي


من جملة أفكار بها الهم قد ناش****في صدري صولاته عقب ماهو سالي

وصلحت فنجال(ن) له الراس منداش***من دلة تزهم على الكيف غالي

ماذاقها نجس(ن) ولا ولد للاش***** ما ذاقها إلا منهو قرم الرجالي

يالله يالي ترزق العبد وعتاش*** يامعتلي عالعرش ترحم بحالي

يالله دخيلك يوم الأحوال هي ماش ***تصلح جميع الوضع ياذ الجلالي

يالله رجيتك تنعش الروح إنعاش***تشفي عقيد القوم رب العيالي

بالله يامحيي قلوب(ن) وياراش ***ارض (ن) بعد جدب المطر والمحالي

يالله تكفينا من اشرور الاوباش ****وتبعد حسدهم عننا ايروق بالي

الي يوالي الناس بحساس غشاش *** يقنعهم ابوده وطيب الفعالي

الله يجازيهم بذلن اذا عاش*** من وين ماصدر باهلن ومالي

ماينفغر ذمبه ولاراح بلاش***الله يحاسبهم عليه اتكالي

يالله لك الجأ ولاعنك منحاش ***ياملك الدنيا اليك ابتهالي

يالله لوذمبي تعدى ولو طاش *** استغفرك من كل ذمبن غدالي

يالله تبهجنا بشوفه وهو داش *** مغسول من ثوب العيا والخلالي

وانك ترده رد طيرن اذا هاش *** وسط الخلا من غير وكر(ن) ووالي