طية الطير قرناس

الصبر طال وضاق بالصـدر الأنفـاس = والعين هلّـت مـا بقـى مـن حزنهـا
والقلب مـن ردى حظوظـه والاتعـاس = يبكـي دمـوع دمّـه اللّـي سجنـهـا
يا ليل ِ قلـي عـن خطيّـات الافـلاس = وخبرني عن ذيـك الضمايـر وعنهـا
ماكنت اظـن ان المحبـة لهـا قيـاس = ولا هقـيـت انــي أبـدفـع ثمنـهـا
و ماكنت اظن بعض البشر مابها احساس = ولا حسبـت احسـاب ماضـي زمنهـا
حطّيتهم بالعيـن وفـي عالـي الـراس = واغليت ناس ٍ عقْـب ماصـرت منهـا
وعزّيتهم في كـل الاحـوال باحسـاس = صـادق ومـن طيبـة تناثـر علنـهـا
إليا غشاهـم مـن مشينـات الادنـاس = وضاق الحشا بصدورهـم مـن مشنهـا
أوجسـت فيهـم علّتـن مرّهـا حـاس = خافـي همـوم ٍ بالضمايـر وطنـهـا
واضيق إلى شفت الحزن فيهـم البـاس = وتصيب نفسـي شقوتـن مـع محنهـا
واشدهـا واقـول يانـفـس لا بــاس = قـوّي عـزوم القلـب وهلّـي مزنهـا
هلّي وفكّي ضيقهـم واطـردي اليـاس = وداوي جـروح اقلوبهـم مـن وهنهـا
وفلّي نبات الطيب من نسـل الألمـاس = نسـل ٍ تغـنّـى بالمـكـارم لحنـهـا
نسل ٍ على الشدايد مـا صابـه إفـلاس = باسـه شـديـد ٍ بالعـزايـم ركنـهـا
إيه والله اني ضايـق الصـدر محتـاس = مـن لاهـب ٍ يحـرق خفوقـي لسنهـا
كنـي كمـا نـارن لهايبهـا بحـبـاس = مـن كـل صـوب ٍ مالها..فرّ..عنهـا
والاّ كما طيـر ٍ علـى ريـح نسنـاس = العيـن دونـه كـم صويـب ٍ وزنهـا
ما يدري عن هاك المقانيـص والنـاس = يـوم انـهـم برماحـهـم صوّبنـهـا
يـونّ جرحـه غبنتـن بيـن الأنفـاس = و نارن لضاهـا لجّـت الـروح منهـا
ويا طيّ قلبـي طيّـت الحـر قرنـاس = حـال الـذّي عـن غايتـه وابعدنـهـا
حوّام مـع صلفـات الأريـاح عسّـاس = يبغـى المـرام اللـي لعينـه ضمنهـا
ويا جرّ قلبـي جَـرّ سيلـن للإغـراس = يجرهـا بعروقـهـا مــع غصنـهـا
على هنـوفٍ ناعـس الطـرف ميّـاس = الفاتـن اللـي نـور عيـنـي فتنـهـا
نجلا العيون اللي لها الرمـش حـرّاس = ورمـوش عيـن ٍ كحلـهـا جملّنـهـا
والوجنتين اللـي كمـا الـورد غـرّاس = إليا استحت زاد الخجـل فـي حسنهـا
يا فرحـة ٍ صـارت بالاقـدام تنـداس = والضيـم مع..مرّ..الليـالـي سقنـهـا
حاطوا عليه وغيّبـوا نـور الاشمـاس = حسبي علـى جـرح ٍ يسبـب حزنهـا
وحسبي على الـذّي تسبـب بالاتعـاس = عذّالهـا اللـي مـن حياتـي خذنـهـا
لا واعذاب القلب مـن أقـرب النـاس = حسبـي عليهـم يومـهـم يجرحنـهـا
القلـب ينـزف والمعالـيـق يـبّـاس = والدمـع فـوق أوجانهـا سـال منهـا
اللّـي طـوى خلّـي طوانـي بمقيـاس = واللـي سقـاه المر..روحـي غبنـهـا
خاب الرجا واصبحت في ليل الادمـاس = أسري مـع الهوجـاس واذكـر زمنهـا
نـور الليالـي والهـوى كـان نبـراس = واليوم غابـت واختفـى النـور عنهـا
ويوم الغضي يرسل لنا الشوق باحساس = صـدق المشاعـر والغـلا ورّدنـهـا
واليوم كلّن مـع خليلـه طـوى اليـاس = طيّـت سنيـن العمـر لامـن طونهـا
وصلات ربـي كـل ماهـب نسنـاس = علـى النبـي وعـدّ غيـم ومزنـهـا

إبراهيم المطرفي ،،

لاهنت على هالقصيد الجزل ..

سلمان العرادي

الله يعطيك العافية ..

أخي أبراهيم قمت بتنسيق القصيدة لك و التي لم تكن منسقة سابقاً

اذا واجهت مشكلة في التنسيق لطفاً مراسلة أحد المشرفين أو المراقبين

الشاعر // ابراهيم راشد المطرفي

صح اللسانك
على هالرائعة

اخوي الفواز هذه القصيده منقوله وانا ماني شاعر
وتسلم يمينك يالغالي