لماذا ذهب لقب شاعر المليون لأبن أفطيس؟

يستاهل ابن فطيس شاعر الدفع الرباعي بيرق الشعر والمليون
صدق يوم قال ماني من اللي ياتي ولا يندرى به
مهو مثل بعض الشعار اللي يجي يجرجر ثوبه ثم قام يرغي
الى ما يزبد سحره ويروح ولا من شاف ولا من درى
وأكثر ما اعجبني قصيدته اللي يقول
كيك وعسل بس ما هو بصحون
والله يستر من النحل لا ياكله

ولو أن ابن مريبد والعتيبي بدعوا بالحلقه الاخيره
وبالاخص العتيبي بقصيدته وألقائه وحماسه الساع يوم نكخ زراره
من الحماس بغينا انا وجدتي نخطف قنينا وعلى بغداد

ولو سلمت هذه المسابقه من التصويت وكان حسم النتيجه مقتصر
على اللجنه لكان التقييم أنصف الكثير وأرضى الجميع

اوسكار الهرفي

يسلم لي مرورك العطر ومعاك حقك
وفااااااااااااااااالك التوفيق

والآن اترككم مع قصيدة لأبن أفطيس المري

بعض العرب حبة يـوردك الجنـون=ولا يوصف له غـلاة حكـاك لـه

مايقنعه وسط الغلا لـو وش يكـون=لو كل حرف بالحريـر يحـاك لـه
الموت جاك وهـو تقلبـة الضنـون=ولا لك الا الصبـر وش وداك لـه
ان قلت ضايق قـال هونهـا تهـون=مايدري ان ضيقتك له وبكـاك لـه
تقعد تحبه وانـت ساكـت ومغبـون=يمكـن بيـوم يقـال مااوفـاك لـه
وكانك مشكك هم يمون او ما يمـون=تخيل ان عفت الصبـر فرقـاك لـه
غلا ومن فوق الغـلا ماهـوب دون=حكاه سمعك يجبـرك بأرخـاك لـه
ودك تحطه في العيون مـن العيـون=وتبسط على رمضا الثرى يمناك لـه
وتظله من الشمس في ظـل الجفـون=ولا يمـر اذنـه سـوى لبـاك لـه
وتسج من غيره لو انهـم يذكـرون=ومنين ماسجت القـدم ممشـاك لـه
غرو يميله الترف ميـل الغصـون=غصنً ميال ومكرمـه باسقـاك لـه
جديله الى اقفى ستـر منـه المتـون=كني بريحه لاألتفـت لأدعـاك لـه
كيك وعسل لكن ماهو في صحـون=ودعاك من عين الحسود غطاك لـه
الله لايعطيـه نــاسً ينضـلـون=ويستر علية مـن النحـل لا ياكلـه
الوصف والتعبير في وصفه يهـون=غير اطلب الله يستجيب دعـاك لـه
وعذال قلبـك فـي محبتـه يهبـون=سكينهم عـن قطـع حبلـه حاكلـه
ناس عن اعراض العرب مايعرضون=ودايم على نفـس الشكـل والشاكلـه
اللـي مـن لحـوم الاوادم ياكلـون=وحلوقهـم دفـع البـلاء متواكـلـه
في سلمهم اولى بالاكـل الاقربـون=واطيبهم اللي صيدتـه شكـواك لـه
عازمهم الشيطـان للذنـب ويجـون=هـذا يقطـع لــه وذاك يواكـلـه
ياجعلهم فدوة ثـر الغـض الفتـون=اللي على الدرب الطويل خطاك لـه
طيفه الى نام البشـر زارك بهـون=وطيفك الى نام البشـر سـراك لـه
حبه دفان ومقبرة خضـر الطعـون=بين العظـام العـوج كنـك ناكلـه
اللي كذا حبـه لـو تمـوت مغبـون=ولا لك الا الصبـر وش وداك لـه