مداعبات شعريه

__________________________

قصيدةالشاعر/سعد مرزوق السرحاني

ياهايل اشكي عليك الوقت واشكي حسن=تعاونو وازعلوني لوّن صدري وسيع
يبغى يثير المشاكل بيننا والفتـــــــــــــن=والوقت يبغى يطوعني وانا مااستطيع
كنا من اسليع نسرح يم عين اللبــــــــن =واليوم في سوق الاسهم لا خسرنا نبيع
عوارضي لا يغره لونهن شيبــــــــــــن =احب فصل الشتا واحب فصل الربيع
الله يستر عليه قبل اشوف الغبـــــــــــن=والولح المسبحه على الطريق السريع

________________________
ردالشاعر/هايل زيدان السرحاني

ياصاحبي لا تحسبني ذهين وفطـــــــن =انا من اول الى طبيت بالهضب اضيـــع
بكره يجينا حسن بالشعر يرطن رطــن=يرقيك راس الجبل ولا يمثنيك ريـــــــع
المركب الي رسى يوم المراكب مشــن=العام به نوخذه مقدام قرم وشجيــــــــــع
سود الليالي خذن منا وياما عطـــــــــن =واللي ما يعطى القناعه راس ماله يضيع
الخير يا مدوره موجود بارض الوطـن=لاكن تشجع وخلك في قرارك سريــــــع

_______________________________
رد الشاعر/حسن عبيد السرحاني

هذاك يوم العشاء شاهي ورز وسمن =والناس متصافيه تسرح وتضوي جميـع
احدٍيحك القدر واحدٍيغسل الصحن=واحدٍيكت ويسند كنه ابا الرقيــــــــــــع
واليوم كلٍ على كيفه يتل الرسن=مكشوف الاجواد بلوى والمخفى فضيع
واللي اركابه الى حثحث عليهن رغن=يرتاح بالظل حتى زبدته ما تميــــــــع
انعيش من بين تفريغ القلوب وشحن=ما فيه من بيننا رجال سده منيــــــــــع

صح لسان سعد مرزوق

صح لسان هايل زيدان

صح لسان حسن عبيد

ويعطيكم الف عافية على المداعبات الجميله

عبيد السرحاني سلمت على النقل الجميل

مداعبات

رائعه .. لشعراء عرفناهم بالجزاله والابداع والتميز


اخي / عبيد السرحاني

الف شكر لك على نقل هذه الروائع

اخوكــ

عايد السميري

اخواني لافي السرحاني وعايد السميري
يعطيكم العافيه على متابعتكم لجديدي
ودمتم بخير
اطيب المنى
عبيد السرحاني

عبيد السرحاني
نقل يدل على ذائقه رفيعة المستوى
جميل ماقمت بنقله
الله يعطيك العافيه
تقبل خالص مودتي


عبدالله

صح لسان سعد مرزوق

صح لسان هايل زيدان

صح لسان حسن عبيد

ويعطيكم الف عافية على المداعبات الجميله

عبيد السرحاني سلمت على النقل الجميل

واتمنى من القائمين على هذا القسم
الانتباه للخطا المطبعي في البيت الاخير
من قصيدة سعد مرزوق

الولح

تقبل خالص حبي وتقديري