(( ودي اطب السوق ))

ودي اطب السوق واشوف الاسعار = واخذ على قد المهيه مقاضي
البيت وده والمعيشه غدت نار = وشح الموارد زاد حجم امتعاضي
بلشت باللي مايعرفون الاعذار = يسهل عليهم لانطقت اعتراضي
خافي عليهم ماجرالي وماصار = هم يحسبون العذر مني تغاضي
اوضاعنا باتت على جرف منهار = وبعض العرب بالوضع داري وراضي
مشغول في هم العواصم والاقطار = وده يعيش الكون حسب التراضي
واللي يشوف الوضع بالوضع يحتار = وده يقاضي لكن الخصم قاضي
يالله يالمعبود يالنافع الضار = تلطف بنا لاحل يوم التقاضي
قلته وانا ماشي مع السوق دوار = ودي اقضي خابر البيت فاضي

.

.

.

.

وسلامتكم

**الكثير**[/POEM][/CENTER]