(( دلــــــه وبـــــراد ))

سويت لي دله وبراد محكور = والبوك جبته والقلم في يميني
والليل قمرا ماتولع بها النور = والجو هادي والعرب هاجديني
سر ياقلم واكتب من الواقع سطور = خذ راحتك والعلم بينك وبيني
الصمت والكتمان ماعاد له دور = السد باح وبان خافي كنيني
سطر معاناتي ولا عنك مذخور = لاجف حبرك هنت لك دمع عيني
لاهي سنه تمضي ولاعدة شهور = اليوم للمجمول عشرة سنيني
غابت وانا من عقبها غبت مجبور = عن الوجود وسلوتي في ونيني
وانا بشر مخلوق لي حس وشعور = يوم اتوجد وش على الناس فيني
اللي شكى من لوعة البعد معذور = ماهو مطاوع هرجة العاذليني
قلبي غدى به قايد البيض والحور = وان صحت يابراهيم مالي عويني

.

.

** الكثير **

** معذور من يعشق هوى البيض ..معذور *** آه .. الضمأ .. يقتل سنابل..حنيني

* شكراً لك من الأعماق .. ياشاعرنا القدير/الكثير . ودمتم بهذا التألق والابداع .. ودمت بخير وعافيه وراحة بال.

الكثيـــــــــــــــــــــــــــير


صح قلبك ونبضك

قصيده رائعه بروعت حضورك

تحياتي لك

الكثير

صح لسانك وسلم بنانــــك ..


ودمت لنا بهذا الشموخ ..


ودمت بخير وعافية

اخي حماد أبوشامه اشكر لك مرورك العاطر والغير مستغرب من شخصكم الكريم دمتم

ودام بكم المنتدى واهله ...

الاخ /شاهين النوايف اشكر لك مرورك الكريم وإشادتك العاطره..تقبل فائق تحياتي وتقديري ...