ذكرى زيارة خادم الحرمين في يومنا الوطني قصيده

لإجل واهل الوطن نعشق الـــــــموت
نعشق حياة في وطنا كريمه
ما همنا راع الدعاوي وجبـــــــروت
اللي نسي مبداه ونفسه لئيمه
اقصد بها من كان وارفع له الصوت
انه عدوا الله ولا فيه شيـــمه
لو خسارة طيب لا مثالــــــــه يفوت
لئيم لا اكرمناه يقلب اديمــــه
بالامس نعطيه ونقسم لــــــه القوت
واليوم خان العهد واصبح ذميمه
يامروع الاطفال ويا هـــــــادم بيوت
عليك وصمة عار واعظم جريمه
هذا وطن معروف بحره مع خبوت
وأرضه عليها ابطا ل يابعد ظيمه
من غره التفكير لا يفوت له فـــوت
ما عندهم غيرا لعـــــواء والنميمه
ياخاين عهود ومواثيق بكــــــروت
ترى عـــــواقبها لمثلك وخيـــــمه
تظفي على لا شي والعلم مثبــــوت
من باع داره صارمــــن دون قيمه
مسلم تخون العهد والعهد منكـــوت
نصلاك في بقعــاء وتشرب حميمه
عليك يامسلم ترى الاسلا ممقــــوت
ان ساعف الله نصر وانت الغنيمه
اسم ابو متعب فوق الامجاد منحوت
كل العرب باحماه تبقى مقيمــــه
يحكم بشرع الله ما هو بطاغـــــوت
دستوره القران ونفسه رحيمـــه
وحنا على يمناه والفعــــــل مسبوت
عنا يفر الموت تسمع رزيـــــــمه
يشهد لنا تاريخ تــــــــــــوج بياقوت
بيض الايادي والقيـــــــاده حكيمه