إجتماع شيوخ القبائل في تبوك

وهذه قصيدة أسترحام من أم مشاري لشيخ سليم المشهوري :

أكتب ودمع العين حبرالقصيدي *** غير الرجا بالله مالي وسيله
والدم حاير ما جرى في وريدي *** حيه وكني بالاوادم قتيله
سليم .. تكفى .. لا تقصوا وحيدي *** تكفى يا راع الجود تطلق سبيله
وأنتم أهلها بالزمان البعيدي *** تكفى أكسب الثنتين أجر وفضيله
والله لو موته عليكم يفيدي *** ويرجع ولدكم مابكيناه ليله
مار القدر ما هو بيدك ولا ايدي *** عند الذي يولج نهاره بليله
جوك الشيوخ اهل الثنا والحميدي *** والكل منهم شيخ مقدم قبيله
سليم فرج ياابن الاجواد عيدي *** الضيق تاقف فيه الرجال الاصيله
ضفها لحسناتك تزيد الرصيدي *** يوم الحساب والكل يذكر حصيله
ياالله عسى عمرك طويلن مديدي *** وعسى العوض جنات عدن الضليله

وهذهـ قصيده اخرى لوالدة مشاري ترجو من الله ثم من سليم المشهوري العفو عن ولدها الوحيد


يالله يآمنشي غزير الخيآلي
***
يآمخضر الريضــــان من عقــــب الامحـــــآل

يالله يالمعبود تشفق بحالي
***
وانــــــــــــك تبـــــــــدل الحـال في حـــــآل

تفرج لعين ماتنام الليالي
***
علـــــيها الايــــــــام طـــــــويلات وأثقــــــآل

انخا المشاهير قروم الرجآلي
***
كسابت الطولات ماضــــــــين الافعـــــــــال

انخاك ياابراهيم يابيعد المدالي
***
ياشيخ ياللي بيتك للاجوايـــــــــد مدهـــــال

وانخاك ياحمود ياكريم السبالي
***
يابو عودهـ انت غني عن من تمثل ومن قال

وانخاك يامحمد ياطويل الاحبالي
***
وانخــــاك يابو فـــواز ياطــــــيب الفـــــــــآل

انخاك ياسليم انت لك الراي اول وتالي

***
يابو مــــحمد ياللي للـــــعقدات حـــــــــلآل

تعفو عن اللي هو عزي وراس مالي
***
والله مــن غيـــــــره مالــــــي عيــــــــــال

اللي مالي غير ظله ظلآلي
***
ولآحد يمـــــسح دمعـــــي غيـــره اذا سال