ساقت النسمه موده واستهلت عند عايد

اتشـرف فـي مــرورك والله انــك لــي دليـلـه=يظفي التشريف منك قبـل شعـري والقصايـد
رجـل مثلـك يـا ابـو سالـم تفتخـر فيـه القبيـلـه=انت من اركـان القبيلـه مرتفـع فـي راس نايـد
ليه ما افخر وافتخر وانت الذي صاحب نفيلـه=والله انـي لا افتخـر ثـم افتخـر وقــت النشـايـد
كل رجلاٌ وسط ربعه واجـب ان حملـه يشيلـه=والحمـول ثقـال والطرقـه لهـا رجـال الشدايـد
والله انها جت في راسي وابرقت لي مستخيله=ساقــــت النسمه موده واستهـلـت عـنـد عـايـد
اعرف ان السيل يجري كـل وادي لـه مسيلـه=والمسيل ان ضـاق يستاسـع مسيلـه والحفايـد
وانـت عـدا للـرهـاء يـفـداك مــن عــده ثميـلـه=ترتوى منك الضوامي كم صدير وكم ورايـد
لـك مـدارك بالعـلـوم الطيـبـه راعــي جميـلـه=و الجميـلـه بالجميـلـه ردهــا سـلـوم وعـوايــد
والرجال رجال تفرق كل رجل ولـه حصيلـه=مثلك وشرواك عندي مكسبـي واعظـم فوايـد
اتشـرف واتـشـرف وانــت يمـنـاي الطويـلـه=راعــي النـومـاس مثـلـك لــه معانيـهـا قـلايـد

صح الله لسانك وبيض الله وجهك على هذه القصيدة الاكثر من رائعة

ويستاهل عايد والى الامام

صح اللسانك ابو فيصل

ويستاهل ابو سالم

صح لسانك ولا هنت

وقصيده جزله من شاعر جزل

ويستاهل ابو سالم

دمت بخير

استاذي

ابو فيصل


اتشرف بهذه القصيده ... وهي وسام افتخر به من شاعر علم

الف صح لسانك

سجل مروري

وانتظر ردي ان شاء الله

عايد السميري .. يستحق هذا واكثر ..
,
ابو فيصل ..

هذة هي عادات الكبار .. فدمت لنا ايها الشامخ ..

وسلمت يمينك

,