سمعت ب(أبشر ) كثر مزن الهماليل
.............. وماشفت أنا من (أبشر) إلا مقفاه

بعض البشر ياناس مره تهاويل
................ يدق صدره ثم .. عذره تغطاااه

وبعض البشر عدّت وعدّت تساهيل
................. يضيق صدره يوم .. تلفي وتنخاه

وبعض البشر فالح بكثر المواويل
................ وماهمه إلا كيف .. يسعد بدنياه

ماأخص بالذكر الرجال الحلاحيل
.............. ألي لهم وقت العطا .. فعل وسواه

ألي على صدر اللوازم مداهيل
............. وإليا نصيته جاك.. مقبل من أقصاه

ياقلب سلّي حيرتك .. بالتعاليل
........... وجر العوى وإشلع لي الهم أبنساااه

وشد الحزام وبهّر الهمّ .. بالهيل
............. ويفوح صبرك طيب .. تكثر مزاياه


الله يعطيك العافية وصح لسانك والله رائعه جداً